ДРялъул бетIерас цIарчIвана щибаб министерствоялъул нухмалъулесда

Дагъистаналъул хIукуматалъул председателасул заместителаллъун тIамуна:
ДРялъул хIукуматалъул председателасул тIоцевесев заместительлъун – Анатолий Шамсудинович Карибов
Гьавуна 1955 соналда МахIач­хъалаялда. 1976 соналда лъугIи­забуна Дагъистаналъул пачали­хъи­яб университет. 1972-1976 со­назда хIалтIана Индиялъул Бхилай шагьаралъул металлургияб за­водалда таржамачилъун. 1978-1991 соназда – МахIачхъалаялда, ВЛКСМа­лъул идарабазда. 1994 соналдаса нахъе хIалтIулев вуго ДРялъул хIукуматалъул батIи-ба­тIиял хъулухъазда. 2013 соналда тIа­муна ДРялъул хIукуматалъул пред­седателасул тIоцевесев заместительлъун.
ДРялъул хIукуматалъул председателасул тIоцевесев замести­тель­лъун – ХIажимухIамад ХIажибу­таевич ХIусенов
Гьавуна 1977 соналда МахIач­хъа­лаялда. ЛъугIизабуна Дагъистаналъул пачалихъияб университет. 1998-2001 соназда цIалана РАНалъул Дунялалъул экономикаялъулги халкъазда гьоркьосел бухьеназулги институталъул аспирантураялда ва цIунана экономикиял гIелмабазул кандидатлъиялъе диссертация.
1996-1999 соназда хIалтIана Ма­хIач­хъалаялъул ралъдал ччугIил пор­талъул пачалихъияб администрациялъул бетIерав инженерлъун.
2001-2018 соназда хIалтIана РФялъул Финансазул министерствоялъул батIи-батIиял департаментазул нухмалъиялъул хъулухъаз­да. 2018 соналъул июлалдаса ноябралде щвезегIан вукIана ДРялъул хIукуматалъул председателасул заместителасул ишал тIуралевлъун.
ДРялъул хIукуматалъул председателасул заместительлъун – Рамазан Жапарович Жапаров
Гьавуна 1957 соналда Хасавюрт районалъул Къуруш росулъ. 1983 соналда лъугIизабуна СССРалъу­л КГБялъул ТIадегIанаб школа ва вукIана СССРалъулги РФялъулги КГБялъул хъулухъазда. Гьев ккола генерал-майор. ХIалтIулев вукIана СНГялъул улкабазул командующиязул советалъул отделалъул начальниклъун. 2018 соналъул ноябралда тIамуна ДРялъул хIукуматалъул председателасул заместительлъун.
ДРялъул хIукуматалъул председателасул заместительлъун – Владимир Викторович Лемешко
Гьавуна 1961 соналда. ХIалтIана Россиялъул газалъул компаниязда нухмалъулесул хъулухъазда.
Владимир Лемешко мустахIикъ­лъана ведомствоялъулал шапакъатазеги «Газалъул промышленносталъул хIурматияв хIалтIухъан» абураб цIаралъеги.
ДРялъул хIукуматалъул председателасул заместительлъун – ДРя­лъул росдал магIишаталъулги кванил нигIматазулги министрлъун – ГIабдулмуслим МухIудинович ГIабдулмуслимов
Гьавуна 1960 соналда Казбек районалъул Гертма росулъ. 1983 соналда лъугIизабуна Тимирязевасул цIаралда бугеб Москваялъул росдал магIишаталъул академия ва 1990 соналда – Дагъистаналъул Росдал магIишаталъул академиялъул гIелмиял цIех-рехазул институталъул аспирантура. Гьев ккола росдал магIишаталъул гIелмабазул кандидат. 2001 соналда лъугIизабуна Москваялъул юридикияб академия.
1996-2003 соназ­да хIалтIана РФялъул Федералия­б налогазул полициялъул ДРялда бу­геб управлениялда. 2003-2014 со­назда – ДРялъул МВДялъул налогазулги экономикиялги такъсирал тIатинариялъул отделалда нухмалъулесул хъулухъалда. 2014-2016 соназда – МахIачхъала шагьаралъул администрациялда.
2016 соналъул февралалдас­а ноябралде щвезегIан вукIана ДРя­лъул бетIерасул МугIрузул окру­галда вугев вакиллъун. 2016 со­­налъул ноябралда тIамуна ДРя­лъу­л ХIин­къи­гьечIолъиялъул совета­лъу­л сек­ретарьлъун. 2018 соналъул мар­талдаса нахъе – ДРя­лъул росдал магIишаталъул министрлъун.
ДРялъул хIукуматалъул председателасул заместительлъун – ДРялъул лъайкьеялъул ва гIелмуялъул министрлъун – Уммупазил Авадзиевна ГIумарова
Гьаюна 1961 соналда МахIач­хъалаялда. 1983 соналда лъугIизабуна ДГУялъул юридикияб факультет. 1989 соналда цIунана юридикиял гIелмабазул кандидатлъиялъе диссертация ва 1988 соналдаса 1999 соналде щвезегIан хIалтIана ДГУялда. Гьебго соналъ МГУялда цIунана докторлъиялъе диссертацияги. 2000 соналда гьелъие кьуна профессоралъул цIар.
2001-2008 соназда йикIана диссертациялъулаб советалъул членлъун. 2002-2006 соназда – ДРялъул Судьябазул квалификациялъул коллегиялъул членлъун. 2006 соналъул апрелалда гьей тIамуна ДРялда инсанасул ихтиярал цIунулей вакиллъун. Гьебго хъулухъалде цIидасан йищана 2014 соналдаги. 2007-2009 соназда – ДРялъул хIукуматалъул председателасул тIоцеесей заместительлъун.
2018 соналъул 25 январалдаса нахъе тIамуна ДРялъул хIукуматалъул председателасул заместительлъунги ДРялъул лъайкьеялъул ва гIелмуялъул министрлъунги.
ДРялъул хIукуматалъул председателасул заместительлъун – ДРялъул ракьулгун мулкалъул гьоркьорлъабазул министрлъун – Екатерина Андреевна Толстикова
Гьаюна 1981 соналда Севастополалда. 2004 соналда лъугIизабуна Москваялъул пачалихъияб юридикияб академия. 2001-2016 соналде щвезегIан хIалтIана Москваялда, тахшагьаралъул ва федералиял пачалихъиял идарабазул отделазул нухмалъулесул хъулухъазда. 2016 соналъул ноябралда гьей тIамуна ДРялъул хIукуматалъул председателасул заместительлъун.
2018 соналъул ноябралда – ДРя­лъу­л хIукуматалъул председателасул заместительлъунги ДРялъул ракьулгун мулкалъул гьоркьорлъабазул ми­нистрлъунги.
Министрал:
ДРялъул ралел бакIазул ва ЖКХялъул министр — Малик Жамединович Баглиев
Гьавуна 1955 соналда Хасавюрт районалъул ЦIияб Къуруш росулъ. 1978 соналда лъугIизабуна ДГУ.
1978-1991 соназда хIалтIана Ма­хIач­хъалаялъул жанисел ишазул отде­лалда батIи-батIиял хъулухъазда. 1994 соналда – РФялъул ДРялда бугеб Налогазул полициялъул федералияб хъулухъалъул отделалъул начальниклъун ва 2002-2007 соназда – РФялъул наркотиказда хадуб халкквеялъул федералияб хъулухъа­лъул ДРялда бугеб управлениялъу­л начальникасул заместительлъун. 2007 соналда тIамуна ДРялъул тIабигIиял сурсатазулги сверухълъи цIуниялъулги министрлъун. 2008-2013 соназда вукIана ДРялъул ХIисабалъул палатаялъул председательлъун. 2013 соналъул июналда тIамуна ДРялъул захIматалъул ва социалияб цебетIеялъул министрлъун. 2015 соналъул декабралдаса 2018 соналъул марталде щвезегIан вукIана Дербент шагьаралъул мэрлъун. 2018 соналъул марталда тIамуна ДРя­лъул ралел бакIазул ва ЖКХялъул министрлъун.
ДРялъул культураялъул министр — Зарема Ажуевна Бутаева
Гьаюна 1971 соналда МахIач­хъалаялда. 1996 соналда лъугIиза­бу­на Астраханалъул пачалихъияб консерватория. 1993 соналда хIалтIизе байбихьана МахIачхъалаялъул музыкалияб училищеялда. 1998 соналда йикIана «Дагъистан» ГТРКялъул бетIерай редакторлъун, 2017 соналда – РФялъул миграциялъул федералияб хъулухъалъул ДРялда бугеб управлениялъул бетIерай специалист-экспертлъун. 2013 соналъул февралалда тIамуна ДРялъул культураялъул министрлъун.
ДРялъул сахлъицIуниялъул министр — Жамалудин ГIалиевич ХIа­жиибрагьимов
ЛъугIизаруна Ростовалъул пачалихъияб медицинаялъул институтги Югалъул федералияб университетги. 1994-1995 соназда хIалтIана Ростовалъул хехаб кумекалъул отделениялда тохтурлъун. 1994-2002 – МахIачхъалаялда №2453 рагъулаб часталда тохтур-бактериологлъун, 2003-2005 соназда – Россиялъул ФСБялъул МахIачхъалаялда бугеб управлениялъул бетIерав санитарияв тохтурлъун ва 2005-2007 соназда – гьеб хъулухъалъул начальниклъун. 2007-2018 соназда – Россиялъул ФСБялъул Дагъистаналда бугеб управлениялъул медикиябгун санитарияб часталъул начальниклъун. 2018 соналъул 14 маялдаса нахъе вуго ДРялъул сахлъицIуниялъул министрлъун.
ДРялъул транспорталъулги ну­­ха­зул магIишаталъулги министр — Ши­ру­хан ГIумаханович ХIа­жимурадов
Гьавуна 1955 соналда Гумбет районалъул МелъелтIа росулъ. ЛъугIизабуна Москваялъул автомобилазулгун нухазул институт. ХIалтIана нухазул мастерасдаса байбихьун нухмалъиялъул хъулухъаз­де щвезегIан. 2003-2013 соназда хIалтIулев вукIана Москваялда, РФялъул Транспорталъул министерствоялъул департаменталда.
2013 соналъул февралалдаса июлалде щвезегIан вукIана ДРялъул транспорталъул министрлъун, сентябралда тIамуна ДРялъул транспорталъулги нухазул магIишаталъулги министрлъун, 2014 соналъул февралалда – ДРялъул промышленносталъулги, транспорталъулги, энергетикаялъулги министрлъун.
2015-2017 соназда хIалтIана РФя­лъул Транспорталъул министерствоялъул департаменталда нухмалъиялъул хъулухъазда. 2018 соналъул марталдаса нахъе вуго ДРялъул транспорталъулги нухазул магIишаталъулги министрлъун.
ДРялъул туризмалъулги халкъияб художествияб промыслабазулги министр — Расул Шапиевич Ибрагьимов
Гьавуна 1983 соналда Шамил районалъул ГIурада росулъ. 2006 соналда лъугIизабуна Москваялъул автомобилазулгун нухазул техникияб университет. ХIалтIана «Дагъдорпроект» Проектазул институт» абураб ЗАОялъул инженерлъунги коммерческиял банказда нухмалъиялъул хъулухъаздаги. 2017 соналъул февралалдаса нахъе тIамун вукIана ДРялъул захIматалъулги социалияб цебетIеялъулги министрлъун.
ДРялъул гражданияб оборо­ная­лъулги гIорхъолъа рор­чIа­рал ахIвал-хIалазулги ва тIаби­гIиял ба­лагьазул хIасилал тIагIина­рия­лъул ишазул рахъалъ министр — На­риман МахIмудович Кази­ма­хIамадов
Гьавуна 1963 соналда Хив районалъул Канцил росулъ. ЛъугIизабуна Камышиналъул тIадегIанаб ралел бакIазул командиразул училище ва рагъулаб хъулухъ тIубазабуна Германиялда. 1990-1995 соназда хIалтIана РФялъул Оборонаялъул министерствоялда, 1995 соналдаса нахъе – МЧСалда. Гьев ккола генерал-майор.
ДРялъул тIабигIиял сурсатазулги экологиялъулги министр — Набиюла ГIабдулманапович Гъарачаев
Гьавуна 1963 соналда МахIач­хъалаялда. 1987 соналда лъугIи­забуна Дагъистаналъул пачалихъияб техникияб институт, 2009 соналда – Дагъистаналъул пачалихъияб росдал магIишаталъул академия.
ДРялъул физкультураялъулги спор­талъулги министр — МухIамад Юсу­пович МухIамадов
Гьавуна 1956 соналда Хьаргаби районалъул КIикIуни росулъ. 1981-1989 соназда хIалтIана тренерлъун. 1998 соналда лъугIизабуна ДГУялъул юридикияб факультет. ХIалтIана батIи-батIиял хъулухъазда ва 1995 соналда вищана ДРялъул Халкъияб Собраниялде депутатлъун, 2004 соналда – Хьаргаби районалъул бетIер­лъун. 2012 соналдаса нахъе вуго ДРялъул физкультураялъулгун спорталъул министрлъун.
ДРялъул захIматалъулги социалияб цебетIеялъулги министр — Изумруд Мужайевна МухIудинова
Гьаюна 1954 соналда МахIач­хъалаялда. ЛъугIизабуна ДГУялъул юридикияб факультет ва 1977-1994 соназда хIалтIана ДАССРалъул Министразул советалъул батIи-батIиял отделазда нухмалъиялъул хъулу­хъазда.
1994 соналда тIамуна РФялъул президентасда цебе бугеб ДРялъул вакиллъиялъул нухмалъулесул заместительлъун ва 2014 соналъул декабралдаса нахъе йикIана гьеб идараялъул нухмалъулейлъун.
ДРялъул финансазул министр — Юнус МухIамадович СагIадуев
Гьавуна 1954 соналда Болъихъ районалъул АнсалтIа росулъ. ЦIалана ДГУялдаги Россиялъул правоялъул академиялдаги. 1975-2007 соназда хIалтIана ДАССРалъул ва хадубккун – ДРялъул Финансазул министерствоялда. 2007 соналда тIамуна ДРялъул финансазул министрасул заместительлъун ва 2017 соналъул февраль-апрелалда – финансазул министрасул ишал тIуралевлъун.
ДРялъул гIолилазул ишазул ми­нистр — Камил Рамазанович Са­гIидов
Гьавуна 1987 соналда Лак районалъул Бурши росулъ. ЛъугIизабуна Дагъистаналъул пачалихъияб росдал магIишаталъул академия. 2009-2013 соназда хIалтIана гьебго академиялда. 2013-2017 соназда вукIана ДРя­лъул хIукуматалъул председателасулги ДРялъул бетIерасул ва ДРялъул хIукуматалъул администрациялъулги гIакълучилъун. 2017 соналда тIамуна ДРялъул гIолилазул ишазул министрасул заместительлъун.
ДРялъул юстициялъул министр — КазимухIамад Сефикъурбанович Сефикъурбанов
Гьавуна 1981 соналда Хив районалъул Юхари Ярак росулъ. ЛъугIизабуна ДГУялъул юридикияб факультет. 2003-2009 соназда хIалтIана ДРялъул Ралел бакIазулгун ЖКХялъул министерствоялда бугеб субсидиязул централда. Гьелдаса нахъе хIалтIана ДРялъул Пачалихъияб мулкалъе нухмалъиялъул министерствоялдаги, ДРялъул Юстициялъул министерствоялдаги, ДРялъул бетIерасул ва ДРялъул хIукуматалъул администрациялдаги.
ДРялъул информатизациялъулги, бухьеналъулги, гIаммал коммуникациязулги министр — Сергей Владимирович Снегирев
Гьавуна 1975 соналда Тверь шагьаралда. ЛъугIизабуна Твералъул пачалихъияб университет. 1995-2014 соназда хIалтIана Твералъул батIи-батIиял идарабазда. 2014-2015 соназда – «МахIачхъалаялъул МФЦ» МАУялъул директорасул заместительлъун; 2014-2016 соназда – ДРялъул печаталъулги информациялъулги министрасул консультантлъун. 2016 соналда тIамуна «Дагъпечать» ГАУялъул директорлъун. 2016-2018 соназда вукIана ДРялъул печаталъулги информациялъулги министрасул заместителасул ишал тIуралевлъун.
ДРялъул промышленносталъул­ги энергетикаялъулги министр — Сайгидпаша Дарбишевич ГIума­ханов
Гьавуна 1962 соналда Казбек районалъул Буртунай росулъ. ЛъугIизаруна Харьковалъул ме­ха­никияб техникумги, ДГУя­лъул юридикияб факультетги, МахIач­хъалаялъул нухмалъиялъулгун биз­несалъул институтги, Бизнеса­лъулгун правоялъул халкъазда гьоркьосеб институтги.
1986-1997 соназда хIалтIулев вукIана батIи-батIиял бакIазда. 1997-2005 соналда – Хасавюрт шагьара­лъул администрациялъул бетIерлъун ва 2005-2015 соназда – Хасавюрт шагьаралъул бетIерлъунги шагьаралъул округазул депутатазул собраниялъул председательлъунги. 2015 соналъул ноябралдаса нахъе хIалтIана ДРялъул транспорталъулги, энергетикаялъулги, бухьеналъулги министрлъун.
ДРялъул миллияб политикая­лъулги диниял ишазулги министр — Татьяна Владимировна Гамалей
Гьаюна 1960 соналда Хасавюрталда. 1983 соналда лъугIизабуна ДГУялъул филологияб факультет. 1989 соналда цIунана кандидатлъиялъе диссертация. 1989-2013 соназда хIалтIулей йикIана ДГУялда. 2013-2014 соназда – МахIачхъала шагьаралъул администрациялъул бетIерасул заместительлъун. 2014-2018 соназда – ДРялъул миллияб политикаялъул министрасул ишал тIуралейлъун.
ДРялъул экономикаялъулги территориалияб цебетIеялъулги министр — ГIусман Хасбулатович Хасбулатов
Гьавуна 1972 соналда МахIач­хъа­лаялда. 1993 соналда лъугIизабуна Дагъистаналъул пачалихъияб политехникияб институт ва 1998 соналда гьебго вузалъул экономикияб факультет.
2000-2008 соназда хIалтIана Каспийскалъул «расчетазул цогояб центр» абураб МУПалъул директорлъун. 2008-2013 соназда – субсидиязул хъулухъалъул начальниклъун. 2013 соналда тIамуна республикаялъул МФЦялъул нухмалъулевлъун. 2018 соналъул февралалдаса нахъе вукIана ДРялъул экономикаялъулгун территориалияб цебетIеялъул министрлъун.
ХIадур гьабуна
Кавсарат Сулеймановалъ.