Экономика цебетIеялъул рахъалъ республикаялда гIуцIараб оперативияб штабалда кIалъалаго, финансазул министр Юнус СагIадуевасда лъикIаблъун бихьана пачалихъиял идарабазе бюджеталдасан биччараб гIарац тIаса къотIизе.

   Гьедин гьабуни, масала, Лъай кьеялъулгун гIелмуялъул министерствоялдаса нахъе инехъин буго 977 млн гъурущ, Спорталъул министерствоялдаса – 82 млн, МЧСалдаса – 50 млн, Культураялъул министерствоялдаса – 26 млн гъурущ.

   Гьединго судалъул хIукмаби тIуразе бихьизабураб гIарцудаса къотIизехъин буго 280 млн гъурущ.

   СагIадуевас гьединаб пикру загьир гьабунин рагIидал, интернеталдасан хъвадарулел нилъер ракьцояз абулеб букIана цоцазул хIалтIи такрар гьабулел министерствабазул хъулухъчагIиги гIезегIан ругила, гьелги хIалтIудаса нахъе ритIаниги бегьилин абун.