2015 соналъул 13 ноябралда гIуцIана районалъул депутатазул VI ахIиялъул собрание. Жакъа къоялде тIобитIун буго 38 сессия. Гьениб гьоркьоб лъун буго 165 хIукму ва гьезда гьоркьор руго нусгоялдасаги цIикIкIун правовиялгун нормативиял актал.

Депутатаз гьоркьор лъезе росулел цо-цо суалал дандрала прокуратураялъул хIалтIухъабаздаги.
Депутатазул хIалтIул хаслъилъун буго кинабго рагьун гьаби. Гьелъ рес кьола хIалтIулъ гъалатIал риччангутIизе.
Депутатазул собрание хIалтIула администрациягун цадахъ.
Районалъул экономикиябгун социалияб цебетIеялъул суал бараб буго росабазул администрациял, депутатал лъикI хIалтIиялда. Гьединлъидал нижеца кIвар кьола бакIазда хIалтIи пайда кьоледухъ гIуцIиялде.
Жакъа республикаялъул гIеме-рисел программаби софинансированиялда рарал ругелъул, нижеца хIаракат бахъула жидерго гIарац жамгIиял ишазе харж гьабизе хIадурал инвесторал ралагьизе.
Ниж рохарал руго республикаялда 2019 магIишатияб соналъул хIасилал гьарун хадуб Казбек районалъ тIоцебесеб бакI кквеялдаса ва грант щвеялдаса. Гьелъ нугIлъи гьабула ниж битIараб нухда рукIиналъеги.
Районалъул собраниялъул депутатазул аслиял масъалабазул цояблъун ккола гIолеб гIелалъе битIараб тарбия кьеялъул суалазде кIвар буссинаби, гьел ватIан бокьулеллъун куцай.
Патриотизм куцаялъул рахъалъ
лъикIаб мисаллъун рикIкIине бегьула Россиялъул президентасул администрациялде кагъатги хъван, КIудияб ВатIанияб рагъ лъугIаралдаса 74 сон тIубаялъул хIурматалда, рагъул ветеран, Ленинаулалдаса ГIабдурахIман МухIамадовасе ВатIанияб рагъул кIиабилеб даражаялъул орден кьей.
Районалъул депутатазул собраниялъул заман лъугIула исана хасалихъе. Гьелда бан нижеца хIадурулеб буго депутатаз щуго соналда жаниб гьабураб хIалтIи бихьизабураб хасаб буклетги.