(Цебесеб 3-абилеб номералда)

 

ХIеренаб чирахъ
Херав кIкIал
Гвангъараб кIодо
ГIолохъанав рас
Гъваридаб чи
ХIалимай яс.

VIII. Дарсил хIасил гьаби.
Тест
1. Прилагательное буго: а) рагIул бутIа; б) каламалъул бутIа; предложениялъул член.
2. Прилагательноялъ бихьизабула: а) предмет; б) иш; в) предметалъул гIаламат.
3. Прилагательное жаваблъун бачIуна гьал суалазе: а) щиб? щив? щий? щал? б) кинаб? кинав? кинай? кинал?
4. Гьелъул буго … жинс: а) 3; б) 4; в) 2.
5. Чиясул жинсалъул прилагательноялъе кьола суал: а) кинаб? б) кинав? в) кинай?
ЦIалдохъабаз халгьабила цоцазул хIалтIул. Къиматал лъолеб къагIида: 0 гъалатI – «5», 1 гъалатI – «4», 2 гъалатI – «3», 4 гъалатI – «2».

IХ. Рефлексия.
Гьалеха, лъимал, щвана нилъее гъамас. Гьанже бице нужеца, щиб нужеда лъараб жакъасеб дарсида? Щиб захIмалъараб? Нужго нужедасаго рази ругищ? Сунца нужее квалквал гьабураб дарсида?
Гьанже балагье гьал ункъбокIоназухъ – багIараб, тIогьилаб, цIахIилаб. Нужеца тIаса бище жакъасеб дарсие ункъбокIон.

Х. Рокъобе хIалтIи.
Гамидаса гъоркье рещтIиналде, лъимал, нилъеца цадахъ босизе ккола рокъобе хIалтIиги: 110-абилеб гьумералда бугеб №238 хIалтIи гьабе рокъоб.

ХI. Дарсида гIахьаллъарал лъималазе къимат кьей.
Щивха, нужер пикруялда рекъон, бищунго лъикI хIалтIарав жакъасеб дарсида?
Дарс лъугIана. Къомех лъикI, лъимал.