Кризисилан цIарги чIван,
ЦIорон буго Россия,
Нефтедолларал дагьльун,
Дугъдан вуго Володя.

 

Евро эхеде ххарун,
Холеб буго гъурщил сси,
Сабурав Медведевцин
МагIид вуго вецIцIулев.

ВуцIцIунги чIун гьимулев,
Дамдамун хваяв Дональд,
Аб дуниял жидерин,
Жалги демократалин.

Дагьалги тIаделъани,
ТIомода лъелин Раша,
ЛъикI санкцияз къакъани,
Кьоринив ккелин Иван.

Ина буго гьединан
Гьаб дунялалда дагIба,
Донбасалда, Сириялъ
Ссур буго пулеб жакъа.

Амма сабру кIудияв
КIиго чиновник вуго,
Чухъа ретIун, чу кьолон,
Чабхъад ине хIадурго.

Къварилъиялда хадуб
ГIатIилъи камуларин,
Чанги дефолт букIанин,
НекIого кIочон танин.

ТалихIалъ, Путин вугин,
Петерпуталъул игит —
ИГИЛалда мал базе,

Тарампида квелъ базе.
Путинил рейтинг хвани,
Параяль гьевги хисун,
Дима ханлъун вачIинин,
Хадубги роцIцIун инин.

Халкъалъги цIидасанго
РакIбацIцIалъи цIехелин,
ЦIадабе нарт пулезда
Пири ццидал речIчIилин.

Рамазанги вукIинин
Лагълъи тIагIинабулев,
ТIубараб къого соналъ
«Дедица» къачIан кьураб.

Дагъистанги борчIилин
Гъваридаб макьидаса —
Бокьухъе заман бугин,
Зурма пузе панаго.

Къокъаб калам, кинабго
РукIалиде бачIинин —
Рамазанги Хизриги
Ханлъуда хутIанани.

ХадурагIи:

Рамазан Белый Домалъ
Довего вачун ана,
Дур миссия тIубанин,
ТIадчагIи разилъанин.

Хизриги жанив гъечIо,
Гъаримал вацал гIадин,
Жакъаги кьерда вуго,
ГьечIел михъалги кьурун!