ГIолилазул ва студентазул хIурматалда
27 сентябралда МахIачхъалаялда, Расул ХIамзатовасул цIаралда бугеб миллияб библиотекаялда гIолилазул ва студентазул ТIолгодунялалъул 19-абилеб фестивалалъул хIурматалда рагьана «Фестваль стирает границы» абураб суратазул выставка. Суратаз, аудио ва видеоматериалаз бицунеб буго цере тIоритIарал фестивалазул тарихалъул хIакъалъулъ. Выставка рагьана «Дагъистаналъул росу» музей-заповедникалъул генералияй директор Зумруд Сулеймановалъ. Гьелъ къокъго бицана цересел фестивалазул хIакъалъулъ. 1978 соналда Гаванаялда тIобитIараб фестивалалда гIахьаллъарав ДГУялъул проректор МухIамад ХIасановас ракIалдещвезаруна жиндирго гIумруялъул гьел гвангъарал тIанчал, бицана Фидель Кастрол кIалъаялъ гьабураб асаралъул хIакъалъулъ. Гьединго выставкаялъул гьалбадерида цере рахъана 1957 ва 1985 соназда фествалазда гIахьаллъарал ХIажимурад МухIамадов ва Нурия ГIабдулаева, жамгIиял хIаракатчагIи, республикаялъул культураялъул хIалтIухъаби. 19-абилеб фестиваль тIобитIизе буго октябралда Сочиялда. Гьелъ данде гьавизе вуго къоазарго гIолилав. Выставка халатбахъине буго 17 октябралде щвезегIан.
