Лъимал гIемераб, амма ресукъал хъизамазе, республикаялъул бюджеталдаса биччараб гIарцудеги росун, цIиял микроавтобусал кьезе руго ДРялъул ХIукуматалъ. Гьал къоязда гьединаб хIукуму хъванин жиндицаян лъазе гьабуна ДРялъул хIукуматалъул председатель ГIабдулмуслим ГIабдулмуслимовас.
«Лъимал ругел хъизамазда квер чIвазе», — ян абун Сергей Меликовас исана маялда хъвараб указалда рекъон гьабулеб хIалтIи буго гьеб.
Гьел ккола 10 яги цIикIкIун лъимал ругел хъизамал. Гьелъул чара гьечIеб шартIлъун ккола гьеб хъизамалъул республикаялда гIумру гьабун бугин абураб хъвай-хъвагIай букIин, гьединго лъималазул бищун кIудиясул букIине ккола гIумрудул 23 сонги.
