Сделать домашней|Добавить в избранное
 
на правах рекламы
Сортировать статьи по: дате | популярности | посещаемости | комментариям | алфавиту

ЦIумазул ватIаналда «ЦIумадисезул гьаракь»

Добавил(а): Musa от 26-12-2012, 11:47

Районалъул газеталъ - 75 сон

 

Халкъалъул гIумруялъулъ, гьелъул тарихалъулъ, адабият ва маданият цебетIезабиялъулъ кIудияб бутIа лъола миллиял газетаз. Гьеб киналдехунго рокьи бижизабула ва рехсарабщинаб цIияб гIелалъухъе кьола газеталъул хIалтIухъабаз. Миллияб газеталъ гIадамазда малъула литературияб мацI, куцала гьуинлъи-вацлъиялда хьвадизе, гъункизарула росаби, жамагIатал. Республикаялъулалин абулел гурелги, Дагъистаналъул щибаб районалъул, хIатта цо-цо росабазулгицин руго жидерго газетал. Кидаго къадру-къиматалда рукIарал гьез бегIерго рорхарал суалал чIорлъун речIчIулаан чIукIначиясдаги, хIалихьатидаги, хIакимлъун вугев кIигьумерчиясдаги. Халкъалъулги захIматчагIазулги чармилаб мугъчIвайлъун рукIана гьел кидаго. 

«Дир анищ – халкъалъул мурадал т1урай»

Добавил(а): Musa от 26-12-2012, 11:45

Щивас тIадал ишал тIуразарулел рукIаралани... 

 

Гьал къоязда нижер мухбир дандчIвана республикаялъул президентасул кумекчи, Халкъияб Собраниялъул аппараталъул нухмалъулесул заместитель Сатираев Айтемиргун. Бечедаб ва жавабчилъи цIикIкIараб захIматалъулгун хIаракатчилъиялъул нух нахъа тана гьес - ЧIикIабГЭСстроялъул ОРСалъул начальник, Алмахъ совхозалъул директор, ЧIикIаб ГЭСстроялъул генералияв директорасул заместитель, ДагъТЭК компаниялъул генералияв директор. 2007-2011 соназда вищун вукIана республикаялъул парламенталъул депутатлъун.

Кьураб рагIи кколев, ритIухъав ва ракIбацIцIадав, хасал мурадаздаса халкъалъул мурад цере гьарулев гIуцIарухъан, иман-яхIалъул инсан хIисабалда лъала ва хIурмат гьабула гьесул. КIвахI гьечIеб захIматалъухъ гьесие кьун буго "ДРялъул мустахIикъав экономист" абураб цIар, гIумруялъе хIинкъи букIиналъухъги балагьичIого бихьизабураб гьунаралъухъ - БахIарчилъиялъул орден.

  

Гара-чIвари байбихьана президентасул рагьараб кIалъаялдаса.

 

 

 

ТалихIаб хъизан гIуцIизе хьулгун

Добавил(а): Musa от 15-12-2012, 01:36

 

 КъобухIаразе кумек

 

 

   Дагъистаналда бесдал лъималазул къадар соналдаса соналде цIикIкIунеб буго. Гьелъги батила, зама-заманалдасан бесдал лъимал хьихьулел идарабазе кумек гьабун тIоритIула гурхIел-рахIмуялъул акцияби, батIи-батIиял тадбирал. Аслияб къагIидаялда лъималазул рокъоре яги интернатазде ретIел-хьит, расанкIаби ритIула. Гьеб ккола цIакъ пайдаяб ва баркала-кири кIудияб хIалтIи. Амма расанкIабаздалъун ва ретIел-хьиталдалъун рохизарунин абун, бесдалазул къисмат хисуларо, сайгъатаз эбелалъул рокьиги хисуларо. Психологаз абулеб буго лъималазул рокъор гIурал бесдалазул гIумруялдехун тIубанго батIияб бербалагьи букIунин. ГьитIинаб къоялдаса нахъе гьел ругьунлъула жидедаго сверухъ бугебщинаб чияца хIадур гьабураб букIиналде. Интернаталдаса яги лъималазул рокъоса нахъе индал, гьезие жалго жидедаго чIун гIумру гьабизе захIмалъула.
РескъотIарал
руссунеб гъасито

Америкаялда машгьурлъарав дагъистанияв

Добавил(а): Musa от 15-12-2012, 00:23

" Гьал даимго ракIалда хутIизе гIоло…"

 

 

2006 соналъул 7 февралалда Америкаялда нагагьаб балагьалдалъун - авариялдалъун гIумруялдаса батIалъана цоцазе хирияб лъабго рухI: рос Наби, лъади Наталья ва жеги ункъо сон тIубачIев вас ГIамир. Гьеб къоялде щвезегIан букIараб ва, хварал чIагоязда ракIалда ругебгIан заманаялъ гьезие хвел букIунарилан рикIкIунелъул, гьелдаса хадусебги гьезул гIумруялъул хIакъалъулъ документалияб фильм хIадур гьабун буго ТIалхIат АхIмадханов, Хъайтмаз ГIабдулхаликъов, ГъазимухIамад МухIамадов, Гулера Камилова ва цогидалги гIахьаллъун. "Гьал даимго ракIалда хутIизе гIоло…" фильм бахъун буго унго-унголъунги балагьарасул черхалда сири базабулеб, рекIеда гъаргъар базабулеб, беразда магIу хулизабулеб къагIидаялъ тIадегIанаб махщалида. Автораз хIаракат бахъун буго, гъотIол цо рохтиялдасан кIибикьун унеб кIиго гIаркьел гIадин, гьелда жаниб кIийиде бикьичIого, цогояблъун лъугьун бугеб кIудияб гьунаралъул ва кIудияб хIурматалъул бицине.

Сакъатлъи - гьеб гIайиб гуро

Добавил(а): Musa от 13-12-2012, 16:36

Унтаразе кумек щвезе буго

 

Европаялъул улкабазде щваразда бихьун батила гьитIинаб росулъцин нухал, ахал, социалиял ва цогидал бакIал ран ва къачIан рукIунеблъи жамгIияталъул киналго социалиял къокъабазе данде кколедухъ. Сахал гIадамаздаго цадахъ, сакъатазулги ургъел гьабулин гьенибилан абураб магIна ккола гьелъул. Нилъер гьанибин абуни къанагIатаб бакIалдаги букIунаро сакъатал гIадамазе коляскаби рачине рес, коляскабиги рукIуна басриял, рачине захIматал. Амма бищунго кIудияб гIунгутIилъун буго сахал гIадамазул инвалидаздехун букIунеб тIаса-масагояб бербалагьи.


Лъабабилеб декабралда халкъазда гьоркьосеб инвалидазул къо кIодо гьабуна. ТIоритIана культуриял, спортивиял ва цогидалги байрамал. Амма сакъатазул ихтиярал цIунизе, гьезул хIурмат лъагIалида жаниб цо къоялъ гуреб, кидаго гьабизе кколеблъи кIочене бегьуларо.

Лъел къатIрабаздаса лъугьуна хIор

Добавил(а): Musa от 11-12-2012, 21:18

БукIинеселъул тIалабалда

    30 ноябралда МахIачхъалаялда тIобитIана Гумбет районалъул студентаз ва интеллигенциялъ гIахьаллъи гьабураб данделъи.  

Гьелда гIахьаллъана Гумбет районалъул бетIер МухIамадгIали МухIамадгIалиев, ДРялъул культураялъул министр Зумруд Сулейманова, ДРялъул Халкъияб Собраниялъул нухмалъулесул заместителал СайгидахIмад АхIмадов ва Сайфуллагь ГIисакъов, ДРялъул хIукуматалъул председателасул заместитель Ризван ГъазимухIамадов, машгьурал спортсменал: боксёр, Европаялъул чемпион, спорталъул мустахIикъав мастер ХIайдарбег ХIайдарбегов ва гугарухъан, олимпиадаялъул чемпион, спорталъул мустахIикъав мастер ХIажимурад МухIамадов, республикаялъул министерствабазулгун ведомствабазул нухмалъулел, вузазул ректоралгун преподавателал ва Гумбет районалъул жамагIатчагIи.
Баракатав чиясдаса лъикIлъи гурони бахунаро

РекIел тIиналда щущараб хIасрат

Добавил(а): Musa от 11-12-2012, 13:01

Аралъул къимат гьабичIони...

   Араб анкьалъ Миллияб библиотекаялда АсхIабгIали ХIасановасул «Рамазанил рекIел чIчIваби» абураб тIехьалъ данде гьаруна магIарул маданияталъул къимат лъалел гIадамал.
"Рамазаница кваранаб квералъ гуребги, цохIо квегIаб кверзул килщаз чIчIвабзаздаги тIинкъун (пицци¬като), бачунаан бакъан… Гьедин бакъан дунялалда тIоцебе бачана Паганиница… Рамазанил квегIаб квералда кIолаан хъумзил берцинал гьаркьал рахъинаризе…", - ян ракIалде щвезабуна Владимир Сперанскияс.

 


Назад Вперед
Наверх

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!