Сделать домашней|Добавить в избранное
 
на правах рекламы
Сортировать статьи по: дате | популярности | посещаемости | комментариям | алфавиту

Къимат кье ургъун ва сабурго

Добавил(а): Musa от 28-03-2013, 15:56

ЖамгIияв хIаракатчи ва гIалимчи Деньга Халидовасулгун гара-чIвари

 

 

   - Щай нахъе "инавурав" МухIамадсалам МухIамадов?  Гьесул бажари гIечIогойищ ялъуни Россиялда гьарулел ругел, дагъистаниял-олигархазда кьаби щварал хиса-басиязул цо бутIайищ гьеб?

Ришваталъе кьезе къарз босула

Добавил(а): Musa от 28-03-2013, 15:49

ГIунгутIаби къватIире гьурщизе бокьун букIинчIо. Амма...  

 

 

   Дагъистаналъул полициялъулаз халкъалда рагIиледухъ лъазабуна республикаялъулаб ведомствоялда терроризмалде данде къеркьеялъул пардавалда нахъа бахчараб ришватчилъиялъулги, тухумчилъиялъулги, хъамалчилъиялъулги, хъулухъалъулал ихтиярал гIорхъолъа рорчIизарулел рукIиналъулги ва цогидаб хъублъиялъулги хIакъалъулъ.

"ХъахIаб рокъоб" хIукму гьабуна

Добавил(а): Musa от 28-03-2013, 15:41

ХIусен хIалтIудаса ана

 

 

"ЦIунтIа район" муниципалияб районалъул нухмалъулев ХIусен Магьдиев хIалтIудаса гIодов чIана ва гьеб иш ккана Дагъистаналъул президентасул ишал тIуразарулев ГIабдулатIипов Рамазанилгун дандчIваялдаса хадуб". Гьадин лъазабуна Дагъистаналъул президентасул пресс-хъулухъалъ. Гьенибго бицухъе, ЦIунтIа районалъе заманаялъ нухмалъи гьабизе тIадкъан рагIула МухIамадинов Пахрудинида. Гьев ккола Магьдиев ХIусенилго росулъа, Москваялда гIумру гьабун вукIарав юрист.

Кавказалда бугеб хIал Америкаялдасан лъикI бихьула

Добавил(а): Musa от 19-02-2013, 14:54

Лъие хIажат бугеб Ставрополалда хIалуцин?

 

 

"Жакъа нилъеца бицина щай Ставрополь краялдаса гIурусал нахъе унел ругелали ва Северияб Кавказалъул букIинеселъул". Гьединаб каламалдасан байбихьана "Россия-1" телеканалалдасан Аркадий Мамонтовасул "Специальный корреспондент" абураб программа. Араб соналъул ахиралда гьебго телеканалалдасан, Америкаялдаса рачIарал журналистаз "Вести-неделя" программаялдаги мухIканго бицун букIана гьеб регионалда лъугьун бугеб хIалуцараб ахIвал-хIалалъул. Рихьизаруна хIижабал чIварал бусурбаби, тIубараб краялдаго цо чанго гурони гьечIел мажгитал, гIурусазул хIинкъарал гьурмал ва батIи-батIиял миллатазул вакилзабазда гьоркьор чанго соназ церего ккарал тунка-гIусиял. Гьединабго магIнаялъул программа хIадур гьабуна профессионалияв журналистлъун рикIкIунев Аркадий Мамонтовасги. Передача релълъун букIана ритIухълъиялъул цояб рахъги бахчун, цогидаб къватIибе чIвазабиялда. Рейтингалда хадуб льугьинищ яги хIакъикъаталдаги Ставрополь Россиялъул Косовойищ? РачIаха жаваб балагьизе.

Ракьалъул миллат букIунаро

Добавил(а): Musa от 19-02-2013, 14:51
ГIодоблъиялъул районазда гьоболлъухъ

Анлъабилеб февралалда ДРялъул президентасул ишал тIуралев Рамазан ГIабдулатIипов щвана республикаялъул цо-цо районаздегун шагьаразде. Гьесда цадахъ сапар бухьаразда гьоркьор рукIана ДРялъул хIукуматалъул нухмалъулесул заместителал Ризван ГъазимухIамадов, Абусупян Хархаров, цо-цо министрал ва районазул нухмалъулел.

Иванов, Петров вукIараваниги, къисмат гьединабго ккелаан

Добавил(а): Musa от 19-02-2013, 14:48

КIиго хъулухъалдаса эркен гьавуна

 

 

2014 соналда Россиялда тIоритIизе ругел Олимпиялъул хIаязде гьабулеб хIадурлъиялъухъ балагьизе ва гьелъие къимат кьезе Сочиялде вачIун вукIана Владимир Путин. Гьенир ран ругел спортивиял объектазухъ халгьабулаго, "Русские горки" (лыжабаздасан кIанцIулеб) трамплиназул комплекс жиндир заманалда бан лъугIулеб гьечIолъи Владимир Путиние рекIее гIечIо. Гьелде тIадеги, Сочиялда гьарулел ругел хIалтIабазул жавабияв Дмитрий Козакица бицана "Русские горки" трамплиназул комплексалда тIад унеб гIарцул къадар, хIисабалде босун букIаралдаса, чанго нухалъ цIикIкIун бугин. Гьеб объекталда тIад 1,2 миллиард гъурущ хвезабизе ракIалда букIун батани, гьанже гьелъул багьа 8 миллиард гъурщиде бахунеб бугин абуна гьес. Трамплин базе тIаде босарав ва сурсат чIезабулев инвесторасул хIакъалъулъ Владимир Путиница цIехедал, Дмитрий Козакица абуна гьелъул жавабияв Олимпиялъул комитеталъул вице-президент ва "Северияб Кавказалъул курортал" ОАОялъул директор АхIмад Билалов вугин. Гьелдаса хадуб баянлъана АхIмад Билалов, РФялъул президентас, рехсарал хъулухъаздаса эркен гьавураблъи. Гьелда бан, гьадин бицана РФялъул президентасул пресс-секретарь Дмитрий Песковас: "АхIмад Билалов хIалтIудаса эркен гьавиялде гуро нилъеца кIвар кьезе кколеб. Аслияб жо буго Сочиялда гьарулел хIалтIаби заманалда лъугIизари. Гьеб мурад буго Владимир Путинилги",- ян.

Дагъистаналъул гIадатазе хилиплъизе бегьуларо

Добавил(а): Musa от 19-02-2013, 14:45

ЖамгIиял гIуцIабазул къадаралда рекъараб хIалтIиги букIине ккола

 

 

11 февралалда Дагъистаналъул президентасул ишал тIуралев Рамазан ГIабдулатIипов дандчIвана ДРялъул ЖамгIияб палатаялъул гIахьалчагIигун, республикаялъул НКОязул координациялъулаб советалъул президиумгун. Гьоркьор лъун рукIана жамгIиял гIуцIабаз гьабулеб хIалтIул бицарал суалал. 

Парламенталъул спикер

Добавил(а): Musa от 19-02-2013, 14:43

Иргадулаб гуреб сессия

 

Анкьабилеб февралалда Дагъистаналъул Халкъияб Собраниялда тIобитIана иргадулаб гуреб, 20-абилеб сессия. Гьоркьоб лъун букIана цо суал - Халкъияб Собраниялъул нухмалъулев хиси ва гьеб хъулухъалде Хири ШихсагIидов тIами. ГIемераб хабар бицана сессиялда Хизри ШихсагIидовасул хIакъалъулъ. Кьварараб кIалъай гьабуна президентасул ишал тIуралев Рамазан ГIабдулатIиповасги.

БацIги циги багъулди…

Добавил(а): Musa от 19-02-2013, 14:38

ГIеларищ Кавказ кваназабураб?

 

Декабралда Россиялъул хIукуматалъ тасдикъ гьабуна "Северияб Кавказ цебетIезаби" абураб хасаб программа. Гьелда рекъон, 2025 соналде щвезегIан регионалъе щвезе ккола 2,5 трлн гъурущ. Гьелда гьоркьоса 10 процент ккола пачалихъияб бюджеталдаса кьолеб. Гьедин, щибаб соналъ улкаялъул казнаялъуса Кавказалде унел руго нус-нус миллиардал.

РитIухълъиялъул нух гIатIидаб

Добавил(а): Musa от 19-02-2013, 14:36

Администрациялъул ва хIукуматалъул хIалтIудаса рази гьечIо Рамазан ГIабдулатIипов

 

 

Ункъабилеб февралалда президентасул ишал тIуралев Рамазан ГIабдулатIиповас тIобитIана иргадулаб данделъи. Гьоркьор лъун рукIана социалиялгун экономикиял ва жамгIиялгун политикиял суалал. Данделъиялда гIахьаллъи гьабуна ДРялъул пачалихъияй секретарь Такибат МахIмудовалъ, хIинкъи гьечIолъи цIуниялъул советалъул нухмалъулев МухIамад БагIачиловас ва цогидазги.

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!