Сделать домашней|Добавить в избранное
 
на правах рекламы
Сортировать статьи по: дате | популярности | посещаемости | комментариям | алфавиту

Чундуз гIарз бахъизегIанищ чIелел?

Добавил(а): Musa от 9-07-2013, 12:16
Кагъат гIодобе рехизе намусав американавги,

   ракьалде балагь бачIинабулел дагъистаниялги

 

 "ХIакъикъат" газеталъул "РекIел ахIи" рубрикаялде бачIараб СМСалда Сагьадаса чияс цIехолеб буго: "ЦIунтIа районалъул Лъацуда росдал мугIруздеги рачIун батIи-батIиял районаздаса чанахъабаз гьабулеб буго чан. Гьезие гIадлу гьабизе егералгойищ гьечIел яги росдал жамагIаталъищ гьезие гIадлу гьабизе кколеб?" - абун.


   Гьеб суалалъе баян цIехон щвана КIособгун къелдерил заказникалъул охотовед Ибрагьимов МухIамадихъе.


   - ЦIунтIа районалде дун гIемер щола, лъикI лъала  гьениб бугеб хIал. Гьеб буго рикIкIада бугеб район, нухалги квешал руго. Цогидал районаздаса гьениве вачIунев чи цIакъ къанагIат вукIуна. Рохьахъ ругел вагьабияз чанго чанахъан чIвана. Гьединги букIаго, лъида гьениб, къватIисаги вачIун чан гьабизе кIолеб? Сагьадисев вуго гьединаб ахIиги бан жиндиего егерасул хIалтIи балагьулев чи.

 

 

Заманалъул гьетIараб матIуялъуб СагIид Амировасул хIикмат

Добавил(а): Musa от 3-07-2013, 12:10
Яги Дагъистаналда гражданлъиялъулалда

тIад мафиялъулаб намус-яхIалъул бичIчIиялъ бергьенлъи кин босулеб букIараб

  

   СагIид Амиров ва гьесул цадахъчагIи туснахъалда тIамиялъ кIудияб ахIи-хIур бахъинабуна, цохIо Дагъистаналда гуребги, Москваялдаги Северияб Кавказалъул тIолабго регионалдаги. Централъ гьединаб тавакалаб гали тIами цо-цояз бухьинабулеб буго Дагъистаналъул бетIер вищулеб заман тIаде щолеб букIиналда, "даргиязул" ва "магIарулазул" цIар рагIарал кланазде - тухумазде данде гьабулеб къеркьеялда; цогидаз - Сочиялда тIобитIизе бугеб олимпиадаялда; гьездаса батIияз - улкаялъул гIемерал регионазда, гьездаго гьоркьоб Дагъистаналдаги, гIорхъолъа борчIун бугеб коррупциялде данде унго-унгояб къеркьей байбихьиялда. Гьезул киналха ритIарал ругел?

 

 Ва гьале цоги кIвар бугеб суал. Амировасул сверухълъиялъул цо-цо цересел гIадамаз хIинкъи кьолеб буго халкъ тIаде бахъинабилин ва хIаракат бахъулеб буго гьев республикаялъе гIемераб лъикIлъи гьабурав чилъун чIезавизе; "лъадалъ ччугIа" гIадин гьев вукIараб низам Дагъистаналъе гIадатияблъун, социалияб ва гIамал-хасияталъулаб гIадлу-тадбиралъул мисаллъун бихьизабизе. Гьединищха гьеб бугеб? Гьайгьай, ихтиярал цIунулел идарабаз ва судалъ чIезабила гьесулги гьесул пишацояллъун ругезулги гIайибалъул даража. Амма нилъеда лъала законалъул дагъистаналъулаб тайпаялъул, ай нугIзабазул рекIелъе лъугьунеб хIинкъиялъ гьел руцIцIун чIезе тIами сабаблъун гIемерисел делаби судалда "щущан унел" рукIиналъул хIакъалъулъ. Кинахун бугониги, нилъеда гьеб киналъулго хIисаб гьабизе ккола социалияб лъугьа-бахъиналъул гIадин. ТIадежоялъеги, гьев "кутакаб" яхI-намусалъул чилъун рикIкIун, цо кинабалиго романтикияб (хIатта идеалияб) даражаялде вахинавизе хIаракат бахъулеб букIинги бихьулеб буго. Амиров вугев ватани мафиячи ("кIудияб хъизаналъул" бетIер), унго-унгояв мафиячиясда яхI-намус букIунин чIезабизе бокьунищха бугеб гьезие(?!). Гьединищха гьеб бугеб? Дица хIаракат бахъила гIемерисел дагъистаниязе яхI-намусалъул тIубанго батIияб - социалияб ва лъикIаб гIамал-хасияталъулаб магIна букIин чIезабизе. Гьедин гьабичIони, яхI-намусалъул мафиялъулаб бичIчIиялъул кьучIалда гIуцIараб низамалъ, ракалъул унти гIадин, цIидасан тIибитIизе ва щулалъизе бегьула, хасго гьелде гъорлъе лъугьинарилан, нилъеда хъатIуларилан, "Амировасде данде Бастрыкинил ва ГIабдулатIиповасул" къеркьей бугин абун, "рекIее кепаб асар гьабулеб" ишалъухъ гIадин, гьелъул ургъел рекIелъе биччачIого, нахъегIанисан ралагьун чIани. Нилъ гладиаторазул рагъухъ ралагьун гуро ругел, нилъ руго гIагараб 10 соналда Дагъистан цебетIеялъе асар гьабизе бугеб гьеб  ишалъул (кинаб рахъалдасан бугониги) гIахьалчагIи.

ТIехь хъвана. Хъван букIинчIебанищин Ккезабуна

Добавил(а): Musa от 3-07-2013, 12:02
Министрлъун вукIарасе тамихI гьабизе

кколин лъазабуна прокуратураялъ

 

 

Республикаялъул прокуратураялъ цIех-рехалъулаб идараялде битIараб делоялда бихьизабулеб буго ДРялъул миллияб политикаялъул, диниял ишазул ва къватIисел бухьеназул министрасул хъулухъалда вукIаго БекIмурза БекIмурзаевас хIалтIудаса законалъ гьукъараб куцалда пайда босун бугин. Министерствоялъул цIаралдасан жинцаго хъвараб "Угрозы современности и мир в поисках безопасности" абураб тIехь бахъизе лъабго миллион гъурщиде къотIи-къай гьабун букIун буго "Лотос" издательствоялъулгун.

«Кин цIунилеб гьечIеб къадру ва букIинчIеб напс?»

Добавил(а): Musa от 3-07-2013, 12:00

Цояв чIван, нусгоял чIезаруларо  

 

 

25 июналда МахIачхъалаялда тIобитIана ДРялъул ЖамгIияб палатаялъул вакилзаби, республикаялъул Журналистазул союзалъул нухмалъулел ва республикаялъул газетазул редакторзаби гIахьаллъараб данделъи. Гьеб тIобитIиялъе гIиллалъун ккана РФялъул Пачалихъияб Думаялъул депутат Андрей ГIисаевас журналистазул хIакъалъулъ гьабураб калам ва цо-цо централиял СМИязда рахъарал гьересиял макъалаби.

Сессиялда гIажаибаб сихIкъотIи

Добавил(а): Musa от 3-07-2013, 11:54

Тарихалда жаниб тIоцебесеб лъугьа-бахъин:
депутат вачун ана  залалдаса


27 июналда МахIачхъалаялда тIобитIана ДРялъул Халкъияб Собраниялъул щуабилеб ахIиялъул 25-абилеб сессия. Сессиялда гIахьаллъана республикаялъул президентасул ишал тIуразарулев Рамазан ГIабдулатIипов. Халкъалъул гIумру-яшавалда, рукIа-рахъиналда хурхараб къогоялдаса цIикIкIун законалъул проект гьоркьоб лъуна депутатаз. Цо-цо законалъул проектазда тIасан депутатазул суалал, разилъи гьечIолъи букIаниги, гIаммаб куцалда гьоркьор лъурал проектал къабул гьаруна.


Гьанжесел фашистал – 2

Добавил(а): Musa от 3-07-2013, 11:41
"ХъахIаб Европаги", "ЧIегIераб Россияги", КIудияб ВатIанияб рагъги

Къварилъиялда, захIмалъиялда бараб 1418 къоги сордоги. 880 къо ракъун, къечон, блокадаялда. 27 миллион чIварав, хварав чи. Гьеле гьеб багьаги кьун боcана нилъер умумуз КIудияб ВатIанияб рагъда бергьенлъи. Жакъа нилъ, гьезул наслаби парахатго компьютеразда нахъа гIодорги чIун, бокьа-бокьараб квенги кванан, кьер-кьераб ретIелги ретIун гIумру гьабулел рукIиналъе гIоло. Амма гьеб бичIчIулел ва гьелъул къимат гьабизе лъалел гIемер гьечIо. ГIаксалда, фашистазул рахъккун, гьезул ишал битIарал рукIанин абулел гIемер руго. РукIаниги кIваричIоан, цере раккизе толел рукIинчIелани. Цере ракканиги кIваричIоан, гьезул рахъкколел рукIинчIелани. ТIадежоялъе, гьеб темаялдаги миллатчилъи речIчIизабун, кавказалъулал какулел руго. РачIа гIурусалин абулез (аслияб куцалда жугьутIаллъун жалго кколел) гIурус халкъалъул ихтиярал цIунулеб къагIидаялъул ва гьезул бераздалъун КIудияб ВатIанияб рагъул хIакъикъаталъул халгьабилин.

Божизе захIматабгицин гIумруялде бахъунеб буго

Добавил(а): Musa от 3-07-2013, 00:17

Кремлялъ жиндирго къуват бихьизабуна


Рамазан ГIабдулатIипов президентасул ишал тIуразарулевлъун вачIаралдаса цIияб гьогьен чIвараб гIадинаб асар лъугьана Дагъистаналда. Гьесул нухмалъиялда гъоркь республикаялда гIемерал лъикIал ишал гьарулел ва гьарун рагIалде рахъаралги руго. Россиялда бищунго рищватчилъи цIикIкIараб ва дотациязул рахъалъ цебесеб кьерда бугеб республикаялда бачIинахъего кинабго хисизабун бажарулареблъи хIакъаб буго. Амма цIияв президентас яхI бахъулеб буго Дагъистан кризисалдаса борчIизабизе. Цере хIиллаял пишаби гьарулел рукIарал хIакимзабиги цIияв президентасул цIар бахъарабго кьерун чIолел руго ва гьабулеб хIалтIулъ дагьабго букIаниги багъа-бачариги лъугьунеб буго.

КIикъого соналъ цебе

Добавил(а): Musa от 3-07-2013, 00:14

Рамазанил къалмил тIоцебесеб хIалбихьи


   Газетазул церегосел номерал регулаго дандчIвала ГIабдурахIман Данияловасул, Халил ФатагIалиевасул, Расул ХIамзатовасул, Мамайхан Агъларовасул, ХIажи ХIамзатовасул, МухIу ГIалиевасул ва цогидазулги макъалаби. Гьезул цо-цоял рукIана газеталъул хIаракатал мухбирзабилъунги.


   Хадубккун нижеца  газеталда лъезе руго рехсаралги цIарал абичIого таралги машгьурал магIарулазул цересел макъалаби.


   Жакъа нижеца кьолел руго Дагъистаналъул президент Рамазан ГIабдулатIиповасул гьанжеялдаса 40 соналъ цебе газеталда бахъараб кIиго макъала.

 

Следующие выборы главы Дагестана будут всенародными заявил в эфире программы "Познер" и.о. президента Дагестана Рамазан Абдулатипов.

Добавил(а): Musa от 25-06-2013, 11:42

Следующие выборы главы Дагестана будут всенародными заявил в эфире программы "Познер" и.о. президента Дагестана Рамазан Абдулатипов.Комментируя арест мэра Махачкалы Саида Амирова, Рамазан Абдулатипов отметил, что "не смеется и не плачет" по этому поводу. При этом, по словам и.о. президента Дагестана, у него с мэром Махачкалы "за три месяца совместной деятельности не было ни одного конфликта". "Никакое вмешательство с моей стороны в эту ситуацию было невозможно, так как эти полномочия делегированы федеральному центру, - отметил Рамазан Абдулатипов. - Но, вместе с тем, эта политика совпадает с той политикой по обновлению и очищению органов власти, которую я провожу и будут продолжать проводить".

Гьанжесел фашистал

Добавил(а): Musa от 25-06-2013, 11:37

Миллатчилъи биччан тани, пачалихъалъе зарал кола

 

 

   Фашистазул цояв, Йозеф Геббельс хваралдаса нахъе, 70-гIанасеб сон унеб буго. Амма гьесул малъа-хъваял жакъаги гъираялда хIалтIизарулел гIадамал гIемерал руго. Хасго гьеб загьирлъулеб буго Кавказалда данде гьабулеб ахIи-хIур къойидаса къойиде цIикIкIунеб бугеб жакъасеб Россиялда.

 

Микьабилеб июналда Удомля шагьаралда тIобитIана кавказалъулазде данде гIуцIараб митинг. Гьединал тадбирал ахирал соназда тIоритIана батIи-батIиял регионазда. Щибха гьелъул магIна? Лъие къваригIун бугеб улкаялда питна бекьизе?

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!