Сделать домашней|Добавить в избранное
 
на правах рекламы
Сортировать статьи по: дате | популярности | посещаемости | комментариям | алфавиту

«РитIухълъи чIезабизе кIвеялда щаклъи буго»

Добавил(а): Musa от 20-08-2013, 16:26

ГIагараб заманалда вацал Билаловазда Россиялде рачIине ракIалда гьечIо   

 

   Чанго моцIалъ цебе, 2014 соналда тIобитIизе бугеб Олимпиадаялде гьабулеб хIадурлъиялъухъ балагьизе Сочиялде щварав Владимир Путиние рекIее гIечIо церего рагIалде рахъине кколел рукIарал спортивиял объектал жегиги лъугIун гьечIолъи. Россиялъул президентас гIайиб чIвана "Рус- ские горки" транплинал разе тIаде босараб "Красная поляна" ОАОялда, хасгьабун АхIмад ва МухIамад Билаловазда. (КIиявго вац вукIана доб заманалда гьеб компаниялъе нухмалъи гьабулел). "Северияб Кавказалъул курортал" ОАОялъул директорлъунги вукIана  АхIмад Билалов. Хадуб баянлъана, Олимпиялъул объектал разе биччараб гIарац вацал Билаловаз бикъун батизе бугинги абун, Владимир Путиница гьел хъулухъаздаса эркен гьарулел рукIин. ГIемер заман инелдего МухIамад ва АхIмад Билаловал Россиялда букIараб гIемерисеб магIишатги бичун гочана Лондоналде. Гьал къоязда туснахъ гьавуна "Красная поляна" компаниялъул генералияв директорлъун вукIарав Станислав Хацкевич. Олимпиялъул объектал разе биччараб гIарац тIагIиналда бан цIех-рех гьабизе Россиялде рачIаян РФялъул цIех-рех гьабулеб комитеталъ кагъат битIун буго Билаловазухъе. Амма гьанире щведал туснахъ гьаризе бегьиялда хIинкъи бугел вацаз абулеб буго цIех-рех гьабизе бокьарал Лондоналде рачIине бегьулин.

Кремлялъул божилъи, Рамазанил гъира

Добавил(а): Musa от 20-08-2013, 16:23
Гьабуни хIалтIи лъугьунеблъи бихьизабуна
президентасул ишал тIуразарулес  


   (Байбихьи 1-себ гьумералда)

Депутатал ва "пиратал"

Добавил(а): Musa от 15-08-2013, 12:09

Интернеталъул ццим бахъун буго хIакимзабазда

 

 

Иргадулаб закон къабул гьабуна ва иргадулаб нухалда аза-азар чияс гьелдаса разилъи гьечIолъи загьир гьабуна. ТIоцебесеб августалдаса нахъе Интернеталда "Интеллектуалиял ихтиярал цIуниялъул хIакъалъулъ" абураб закон хIалтIизе лъугьана. Гьелда рекъон фильмал ва цогидаб видео, кино, аудиоматериал бетIергьабазухъа изну босичIого жидерго Интернет-мухъазда лъурал сайтал къазе бегьула. Гьеб къазе ккани, фильмазул ва кечI-бакъаналъул бетIергьабаз судалде гIарза хъвазе ккола.

СахI бахъани кIал камиллъула

Добавил(а): Musa от 3-08-2013, 12:57

Черхалъул закагIат

 

 

 

 

Закатул фитIри (кIалбиччаялъул сахI) тIадаблъун гьабуна гьижрияб тарихалъул кIиабилеб соналъ, ай рамазан моцIалъ кIалкквезе тIадаблъун гьабураб соналъго. КIалбиччаялъул сахIалда абула черхалъул закагIатиланги - гьелъ черх мунагьаздаса бацIцIад гьабулеб букIиналъе гIоло. Халкъалъул хириясул хIадисалда буго: "Аллагьасул Расулас кIалбиччаялъул закагIат гIадамазда тIадаблъун гьабуна чамасдакалдаса яги пурчIинаялдаса цо сахI, киналниги бусурбабазда - узденасдаги лагъасдаги, бихьиназдаги руччабаздаги, гьитIиназдаги кIудияздаги ва амру гьабуна гьеб тIобитIейин гIадамал какде рахъинелде цебе", - абун (Бухари).

Басриял кьеразулъе цIияб гьури

Добавил(а): Musa от 3-08-2013, 11:40

ХIукумат тасдикъ гьабуна, хисана  лъабго министрги кIиго комитеталъул нухмалъулевги

 

 

   Рамазан ГIабдулатIиповас тасдикъ гьабураб хIукмуялда рекъон, хIукуматалда буго 18 министерство, микьго комитет, ДРялъул президентасул ва хIукуматалъул администрация, РФялъул президентасда цебе ДРялъул вакиллъи, ДРялъул финансазулаб халкквеялъул хъулухъ, ДРялъул тарифазулаб хъулухъ, ДРялъул хIукуматалъул цогидаб бакIалде гочинариялъул ва репрессиязде ккаразул реабилитациялъулаб управление, ДРялъул пачалихъияб жилищнияб инспекция, ДРялъул машинабазул техникияб рахъалда ва цогидаб техникаялда хадуб халкквеялъулаб пачалихъияб инспекция.

 

 

   Гьедин, цIияб хIукумат тасдикъ гьабидал, хиса-баси ккана лъабго министерствоялда. ЗахIматалъул ва социалияб церетIеялъул министрлъун йикIарай Такибат МахIмудовалъул бакI ккуна Малик Баглиевас. Культураялъул министрлъун йикIарай Зумруд Сулеймановалъул бакIалде тIамуна Зарема Бутаева. Финансазул министр ГIабдусамад ХIамидов хисана Антонина Идрисовалъ.

Рахьдал мацI рихарав магIарулав

Добавил(а): Musa от 3-08-2013, 11:29

Миллияб бечелъиялде дандечIарав директор хIалтIудаса махIрумлъана

 

 

2011-2012 соналде цIалул программаялда рекъон 5-9 классазда авар мацI ва адабият малъиялъе бихьизабун букIана анкьида жаниб ункъ-ункъ сагIат. Щибха гьелда гьабураб БежтIа участкаялъул Гьунзиб росдал аслияб лъай кьеялъул школалъул директор ГIисаев СагIадулагьица? ЛъаратIа районалъул Ангцухъ росулъа эхерехун ккаралдаса нахъе авар мацI хIажалъуларинги абун, программаялда рукIарал сагIтал "къунцIана" гьес: 8-9 классазда цо сагIат мацI малъиялъе ва цо сагIат адабият малъиялъе тана. 5-7 классаздаги кIиго сагIат мацIалъе ва цо сагIат адабияталъе гIолилан чIезабуна. Дагъистаналда ругел цIалул программабазул кIиабилеб тайпаялда рекъон цIали гIуцIизе хIаракат бахъана директорас.

ГIемерисезда рагIарай, къанагIатав чиясда гурони йихьичIей

Добавил(а): Musa от 3-08-2013, 11:26

ПатIимат гьечIого радио цебечIезабулароан

 

 

ПатIимат Рамазанова лъаларев, гьелъул гьаракь рагIичIев магIарулав къанагIатги ватиларо. Лъабкъоялда кIиго соналъ Дагъистаналъул радиоялъул магIарул мацIалда кьолел передачабазе дикторлъи гьабуна гьелъ. Щибаб  рогьалилъ ва къаси мехалда  магIарулал урхъун рукIунаан авар мацIалда кьолел ахириял харбахъ гIенеккизе, "кIалъалеб буго МахIачхъала", - ян байбихьулеб ПатIиматил гIафжаибго рекIелъе бортулеб, гIинде ругьунаб гьуинаб калам рагIизе. ПатIимат гьаюна гIемерал соназ "МагIарул большевик" газеталда хIалтIарав, гьунар бугев журналист Байсунгъуров МухIамадил хъизамалда.

Президентасда хадуб гъеладайха хIукумат?

Добавил(а): Musa от 31-07-2013, 13:26

Республикаялъул парламенталъ премьер-министр вищана

 

 

ДРялъул Халкъияб Собраниялъул иргадулаб гуреб сессиялда, ай 25 июлалда, республикаялъул тIалъиял-да иргадулаб хиса-баси ккана. Республикаялъул бетIерлъуде Рамазан ГIабдулатIипов вачIиндал цIигьабун букIараб министрзабазул кабинет ГIабдулатIиповас нахъе битIун букIана. Парламенталда цебелъураб масъала букIана хIукуматалъул цIияв нухмалъулев вищи. Киналго депутаталги разилъун цIияв премьер-министрги тасдикъ гьавуна. 

Цересел соназда букIараб чороклъиялъул хIасил

Добавил(а): Musa от 12-07-2013, 14:43

ЦIех-рехалда хадуб хъаравуллъи президентас жиндего тIаде босулеб буго


   Ахираб заманалда Дагъистаналда парахатаб хIал бугин абизе бегьичIониги, дагьабго хIалхьараб гIумру лъугьун буго. Амма гьединаб ахIвал-хIал республикаялда букIине бокьуларел чагIаз жалго ругьунал къабихIал пишаби гьаричIого толел гьечIо. Гьединаз, 9 июлалда,  Семендер поселкалда, жиндирго рукъалда аскIов чIвана "Новое дело" газеталъул бетIерав редакторасул заместитель ва "Кавказский узел" сайталъул мухбир АхIмаднаби АхIмаднабиев. 2012 соналъул май моцIалда лъазе кIвечIез жидеца чIвазе вугин хIинкъизавунги вукIана гьев. 2013 соналъул январалда АхIмаднаби АхIмаднабиев чIвазелъун гьесде кьвагьдонгицин рукIана такъсирчагIи. Амма гьесие доб мехалда къварилъи ккун букIинчIо. 2009 соналда лъицаялиго бахъараб чIвазе къотIаразул сияхIалдаги букIана АхIмаднабил цIар. Гьебго сияхIалда рукIана 2011 соналъул 15 декабралда чIварав "Черновик" газеталъул учредитель ХIажимурад Камаловасул,  цо-цо адвокатазул ва ихтиярал цIунулезул цIарал.

Божилъи гьечIолъиялъул хIасилцин гуребдай?

Добавил(а): Musa от 9-07-2013, 12:19

КIвар кьоларел нухмалъулел рукIин нилъер киназулго гIаммаб унти буго

 

Дагъистаналъул президентасул ишал тIуралев Рамазан ГIабдулатIиповасул рахъкквей загьир гьабиялъул цIаралда гъоркь, хIакъикъаталдайин абуни, "Казбек район" муниципалияб гIуцIиялъул бетIер ГIабдула МахIачев хъулухъалдаса эркен гьавизелъун, Дилим росулъ март моцIалда  тIобитIараб митингалъул "Президентасул рахъги ккун" ва "Президентасул рахъги ккун - 2" абурал макъалаби газеталда рахъун рукIана.

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!