Сделать домашней|Добавить в избранное
 
на правах рекламы
Сортировать статьи по: дате | популярности | посещаемости | комментариям | алфавиту

Рахьдал мацI рихарал гъулгъудилел тун

Добавил(а): Musa от 26-12-2012, 11:25

Лъималазда гIагараб ракьалъул адабият малъизе хьулгун

 


11 декабралда МахIачхъалаялъул №1 гимназиялда тIобитIана школалда магIарул адабият лъазабиялъул масъалаялда тIасан цIалдохъабазул данделъи. КIиабилелдаса анлъабилеб классалде щвезегIан магIарул мацI лъазабулелщинал цIалдохъаби ракIарун рукIана гьеб тадбиралде. Тадбир гIуцIун букIана №1 гимназиялъул учительзаби: филологиял гIелмабазул кандидат Разият Ражабовалъ ва гIелмияй хIалтIухъан Шагьризат ГIалиевалъ. Гьелъул аслияб мурадлъун букIана цIалдохъабазда гьоркьоб магIарул адабият тIибитIизаби, гьезда нилъерго машгьурал шагIиралгун хъвадарухъабиги гьезул творчествоги лъазаби, гьез малъулелдаса пайда босизе куцай. 

Халкъалъул божилъиялде хьулгун

Добавил(а): Musa от 26-12-2012, 11:04
ДРялъул президентасул жавабалгун хитIабал

 

18 декабралда ДРялъул президент МухIамадсалам МухIамадовас рагьараб эфиралда дагъистаниязул суалазе жавабал кьуна. МоцIалъул болжалалда "Дагестан" РИА ва "Дагестан" РГВК сайтаздасан суалал кьезе бегьулаан. Тадбир нухда бачана РГВКялъул генералияв директор Азнаур Аджиевас.
Тадбиралъулъ гIахьаллъана президентасул ва хIукуматалъул администрациязул нухмалъулев ХIасан Идрисов, ДРялъул президентасул пресс-хъулухъалъул ва информациялъулаб политикаялъул управлениялъул нухмалъулев Зубайру Зубайруев, министерствабазулгун ведомствабазул хIакимзаби, республикаялъулалгун муниципалиял СМИязул вакилзаби. Гьединго, республикаялъул муниципалитетазул бутIрузулги президентасулгун рагьараб бухьен гIуцIун букIана.
ХIаким - халкъалъул лагъ

Бидулаб Америка

Добавил(а): Musa от 26-12-2012, 10:51
Ярагъ эркенго босизе ихтияр кьезе кколищ?

  

Араб рузман къоялъ Америкаялъул штатазда вахIшияб лъугьа-бахъин ккана. Коннектикут штаталда 20 сон барав Адам Ланзаца автоматалдасан кьвагьдон чIвана 27 чи. Гьеб такъсир гьабизе Адам вачIана гIисинал лъимал цIалулеб школалде. Полициялъулазул баяназда рекъон, гьесухъ рукIарал патронал ва яргъил хIисаб гьабуни, 670-гIанасев чи гIумруялдаса ватIалъизе рес букIун буго.

Хасал ясли-ахазе квербакъизе буго

Добавил(а): Musa от 26-12-2012, 10:48
Дагьал церегIан къоязда В.В. Путиница Федералияб Собраниялда цебе гьабураб кIалъаялъулъ аслияб кIвар кьуна лъай кьеялъул суалаздехун, бицана школалде инелде лъай кьолел идарабазул (ДОУ) хIакъалъулъги. РФялъул президентас лъазабуна 2013 соналъул тIоцебесеб бащалъиялде гIадамаз жидерго гIарцухъ рагьулел хасал ясли-ахазул масъала тIубазе кколилан.
Гьеб кIалъаялъулъ В.В. Путиница ахIулел рукIана улкаялъул ДОУязде кIвар кьеялде. Гьес рикIкIунеб буго, пачалихъалъ квербакъизе кколин хасал ясли ахал гIуцIиялъе.
"Регионазда дица гьарула гьеб щвараб ресалдаса пайда босеян. ГIадамазе кколеб къагIидаялда хIалтIизе ресал чIезаризе ккола. ГIемер нерваби хвезаричIого ва квалквалал гьечIого, лъимал ясли-ахазде кьезе рес букIинабизе ккола. Рес кьезе ккола дагьал лъимал жанире рачунел ясли-ахал рокъор рагьизе", - ян лъазабуна РФялъул президентас.
"ГIицIго цIиял бакIал раялдалъун ясли-ахазде бугеб ирга дагьлъизабун бажаруларо. Хасал ясли-ахазе кинабго рахъалъ кумек гьабеян абулеб буго президентасги. "РФялда лъай кьеялъул" законалъул проекталда рекъон ясли-ахал гIуцIизе бегьула коммерческияб къагIидаялдаги. Гьелъул пайда букIинин ракIчIола ясли-ахазул къадар цIикIкIиналъе ва гьениб гьабулеб хIалтIуе. Хасаб ясли-ахалда лъимер хьихьиялъухъ эбел-инсуца кьолеб гIарцул бутIа пачалихъалъ тIад буссинабиялъул (компенсация) къагIидаги хIалтIизабулеб буго",

ХIокIал гьечIел болъаби

Добавил(а): Musa от 15-12-2012, 01:13

КIицIул цого лъаралъе лъугьине рес кьеладай?

 

 

Д. Медведевасде лъикIаб къо бачIинчIо премьерлъун ккаралдаса. Гьереси бицаралъухъ тамихI гьабиялдаса Таисия Осиповалъе гьабураб гIадлуялде щвезегIан, гьес гIумруялде рахъинаризеян байбихьарал киналго проектал хисизаруна цIияв президентас.

Аслияб мурад - бечедаб, талихIаб Россия

Добавил(а): Musa от 15-12-2012, 01:11

Владимир Путиница Федералияб Собраниялде гьабураб хитIаб

 

 

2012 соналъул 12-абилеб моцIалъул 12-абилеб къоялъ сагIат 12 тIубараб мехалда байбихьана РФялда 12 соналъ президентлъун вугев Владимир Путинил Федералияб Собраниялде хитIаб. ХитIаб гьабуна Конституциялъул къоялъ. Цебего гIадин, Путинил хитIабалда аслияллъун кколел рукIана экономикаялда, социалияб политикаялда, лъай кьеялда, медицинаялда, инвестициязда, ришватчилъиялда ва гIемерал цогидал рахъазда хъинтIулел суалал. Амма гьанжесеб хитIабалда рукIана жакъасеб къоялъ лъугьунел ругел, рихьулареб ххвел гьабун бажаруларел цо-цо лъугьа-бахъиназда хъинтIулел хаслъабиги. Кинаб суал борханиги, аслияб пикрулъун букIана халкъалъул моралияб цебетIей, рухIияб бечелъи ва цолъи щулалъизаби. Гьеб хитIабалъ бихьизабуна хадусеб анлъго соналъ букIине бугеб политикаялда бищунго кIвар сунде кьезе кколебали.

"Нилъерав-чиярав" абун гIадамал рикьи – такъсир

Добавил(а): Musa от 15-12-2012, 01:04

М. МухIамадовас журналистазул суалазе жавабал кьолел руго

 

 

 

 11 декабралда Москваялда тIобитIана СКФОялъул регионазул нухмалъулезулгун пресс-конференция. Гьелда гIахьаллъана нилъер республикаялъул президент МухIамадсалам МухIамадовги. Гьоркьор лъурал аслиял масъалабилъун рукIана регионазда бугеб жамгIиябгун политикияб ахIвал-хIал ва социалиябгун экономикияб цебетIей. Централиял СМИязул журналистазул суалазе ДРялъул президентас гьадинал жавабал кьуна.


   - Северияб Кавказ ккола цебетIеялъул регион. Арал соназде дандеккун, кин хисараб гьениб инвестициязулаб ахIвал-хIал, гIумру, рукIа-рахъин? СКФО батIа гьабиялъул ва регионалъул нухмалъулевлъун А. Хлопонин теялъул кинаб пайда ккараб?

 

Кьвагьуге журналистасде

Добавил(а): Musa от 15-12-2012, 00:58

      Халкъалъул бералги гIундулги рацине бегьуларо

 

 

   Нилъер кьер жеги цо чияс лъедерлъана, рагIул къуват цо гьаракьалъ дагьлъана. Дагьал церегIан къоязда Нальчикалда Кабардино-Балкариялъул журналист Казбек Геккиев чIвана. ЧIвана щибго жиндасан чидае къварилъи гьечIев гIолохъанчи - телевидениялъул ведущий. "Гьединал такъсираздаса хадур НИЛЪ щай хIинкъулел, щай хIинкъуларел вахIщиял такъсирал гьарулел гIадамал?" - гьединаб суалалдасан байбихьана Россия 24 каналалда "Пикраби" абураб перадача.

Бюджет

Добавил(а): Musa от 10-12-2012, 14:10
Сессия байбихьана Унсоколоса ХIасан ХIасановасе депутатасулаб мандат кьеялдасан. Депутатасда гьеб хъулухъги баркун, байбихьана кIвар бугел законопроектазул бицине.
Анлъго депутатасе рекIее гIечIониги, тIоцебесеб цIалиялда къабул гьабуна "2013 соналъе ва планалда ругел 2014 ва 2015 соназе республикаялъул бюджетазул хIакъалъулъ" законопроект. Бицана 2013 соналда гIаммаб доходалъул къадар бахине бугин гьоркьохъеб куцалда 67,4 млрд гъурщиде. Аслияб кIвар кьезе бугила инвестициязде, гьездалъун экономика цебетIезабиялде, социалиял масъалабазде, росдал магIишаталде, АПКялде, гьединго, миллиял проектаздеги. КъваригIун бугила республика цебе тIураб регионлъун лъуг+ьине. Закон гIуцIаразул пикруялда рекъон, 2015 соналде щвезегIан хIалтIи гьечIолъи дагьлъизе буго 12-ялдаса микьго проценталде щвезегIан. Гьелъие аслиял ресаллъун рихьизарун руго цIиял ралел заводал цIикIкIинари ва гьенир хIалтIизе аслияб куцалда дагъистаниял роси.

Назад Вперед
Наверх

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!