FaceBook  in  yt  rss

Микьго соналдаса  щвараб бергьенлъи

2012 соналда Лондоналда тIоритIарал Олимпиялъул хIаязда, эрке­наб гугариялъул рахъалъ Россиялъул тIаса бищараб командаялъул мухъ­илъ, 120 кг цIайиялда цеве вахъарав Билал Маховасе щун букIана мазга­рул медал. Гьесда цадахъ лъабабилеб бакIалъе мустахIикълъун вукIана Ираналдаса речIчIухъан Комейл Га­семиги. Россиялъулав доб Олимпиа­даялда къун вукIана гIарцул призер Давит Модзманашвилидаса, ира­налъулавин абуни -Олимпиялъул чемпионлъун вахъарав Артур Тай­мазовасдаса.

Микьго соналдаса  щвараб бергьенлъи

 

Гьал къоязда Халкъазда гьоркьосеб Олимпиялъул комитеталъ лъазабуна Давит Модзманашвилигун Артур Таймазов Лондоналъул Олимпиялъул хIаязда допинги хIалтIизабун гугарун рукIин чIезабунин. Гьел­да бан, рехсараб гIуцIиялъ хIукму къотIана 2012 соналъул Олимпиялъ­ул хIаязул меседил медалал Билал Маховасегун Комейл Госемие кьезе. Олимпиялъул хIаязда тIоцебесеб ва кIиабилеб бакIал ккурал спортсме­назул бидулъ допинг батиялъул ва гьел медалаздаса махIрум гьариялъ­ул хIужаби дунялалъул спорталъул тарихалда жеги ккун рукIинчIо.

 

-Олимпиялъул хIаязул меседил медаль щвезе букIиналдаса чIухIула. Амма гьелдаса нахъе микьго сон сверун букIиналъги батила, гьеб хIужаялъ рекIее цо кIудияб асар гьабичIо. Цо-цо чагIаз, гIуцIабаз Рос­сиялъул спорталда данде, битIахъе рагъ балеб заманалда, нилъее Олим­пиялъул меседил медаль кьей буго цIакъ божизе захIматаб иш. Барка­ла буго доб заманалда дида аскIор рукIарал киназего, -ян бицана Билал Маховас.

 

Гугариялъул рахъалъ Ираналъ­ул федерациялъ Халкъазда гьор­кьосеб Олимпиялъул комитеталъ къотIараб хIукму рикIкIунеб буго ритIухъаблъун. Амма Гасемил пи­круялда рекъон, гIицIго гьесие кье­зе кколеб букIун буго Олимпиялъул меседил медаль. Жив къунила чем­пионасукьа, Махов гIарцул призер­лъун гьавейилан лъазабуна гьес.

Прочитано 337 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх