FaceBook  in  yt  rss

РекIелъ хIинкъи бугев рикIкIадегIан цIай РекIелъ хIинкъи бугев рикIкIадегIан цIай

2020 соналъул тIоцебесеб кIудияб турнир тIобитIана UFC гIуцIиялъ. Гьеб букIана Америкаялъул Цолъарал Штатазул Лас-Вегас шагьаралда. Турниралда цеве вахъана Дагъистаналдаса речIчIухъан Аскар Аскаровги.

РекIелъ хIинкъи бугев рикIкIадегIан цIай

Гьев дандчIвана американав Тим Эллиоттгун. Жегиги къей лъаларев Аскар дандиясдаса гьаб нухалъги бергьана. Лъабго раундалъул хIасилал гьарун хадуб, судияз бергьенлъи кьуна дагъистаниясе. Гьеб букIана Аскарил UFC гIуцIиялъул турниразда кIиабилеб къеркьей­лъун. ТIоцебесеб нухалда дагъистанияв дандчIван вукIана Мексикаялдаса речIчIухъан Брендон Мореногун. Гьеб къеркьеялда судияз спортсменал рикIкIана бащад ккараллъун.
Гьебго турниралъул аслияб къеркьеялда октагоналде рахъана Ирландиялдаса речIчIухъан Конор Макгрегоргун СШАялдаса спортсмен Дональд Серроне. Къеркьей байбихьун 40 секунд инелдего нокауталде ккезавуна Макгрегорица дандияв.
Дагъистаналдаса спортсмен, UFC гIуцIиялъул речIчIухъан ГIумари АхIмадовас гьеб турниралда сверухъ загьир гьабуна гьадинаб пикру:
- Кидаго гIадин, UFCялъул иргадулаб турнирги ана тIадегIанаб даражаялда. Гьелда къеркьарав нилъер ракьцояв Аскар Аскаров вуго унго-унголъунги къуватав спортсмен. РакIчIола гьев дагь-дагьккун тIадагьаб цIайиялда UFC гIуцIиялъул бищунго къуватал спортсменазул мухъилъе вачIине вукIиналда.
- Макгрегоридаги Серронедаги гьоркьоб букIараб къеркьеялдаса хадуб жубараб речIчIухъанлъи бокьулезда гьоркьор батIи-батIиял суалал раккана. ХIатта, руго Конорица Дональд вичун восун вугин абулелгицин. Дур пикру лъазе бокьилаан.
- Къеркьеялда цебе ХIабиб НурмухIамадовас абулеб букIана Серроне Макгрегорикьа хIинкъулев, къалев вугин. Гьедин ккезеги ккана. Дональдица бихьизабуна жив херлъун, къеркьеяз гIорцIун вукIин. Гьев гьабсагIаталда цеве вахъунев вуго гIицIго гIарцуе гIоло. Къеркьеялдаса хадуб букIараб пресс-конференциялда гьес бицунелъухъ балагьунги бихьулеб букIана гьеб гьедин букIин.
- Мун кида вахъине вугев октагоналде? Лъалищ щивгун къеркьезе вугевали?
- Декабралда букIана ахирисеб къеркьей ва гьелда бергьун вукIана гьоркьохъеб цIайиялда UFCялъул рейтингалъул микьабилеб бакIалда вугев Йен Хейнишидаса. Амма, щаяли лъаларо, гьесдаса бергьаниги, гIуцIиялъ дун бищунго къуватазул рейтингалда цевехун вачинчIо. КватIичIого байбихьизе буго иргадулаб къеркьеялде хIадурлъизе. UFCялъ жегиги лъазабичIо кида ва щивгун цеве вахъине кколевали. Хьул буго гьаб нухалъгIаги гIуцIиялъ дида данде къуватав речIчIухъан вихьизавилин.
- КватIичIого ХIабиб Нурму­хIа­мадов къеркьезе вуго Тони Фергюсонгун. Дур пикруялда, гьеб къеркьеялъул хIасил кинаб ккезе бегьулеб?
- Къеркьеязда бокьараб ккезе бегьула. Амма ракIчIола, Фергюсоние хъандаталихI ккечIони, гьеб дандчIваялда ХIабибица чIел босизе букIиналда. Тони загIипав спортсмен вугин абулеб мех гуро. Киназдаго лъала бажари-гьунар бугев речIчIухъан гьев вукIин. Амма хасгьабун НурмухIамадовасе бигьалъизе буго гьесда тIад бергьенлъи босизе. Тони вуго ХIабибил техникаялъе данде кколев спортсмен. РукIуна данде кколарелги, кигIан загIипав вукIаниги гьединав къезавизе захIмалъула.
UFCялъул ахирисеб анлъго къеркьеялда бергьенлъи босана ГIумари АхIмадовас. Рехсараб гIуцIиялъул мухъилъ дагъистанияв цеве вахъунев вуго 2013 соналдаса нахъе.

Прочитано 90 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх