FaceBook  in  yt  rss

Аралъул хIасилалги бачIунелъул масъалабиги

2019 соналда Дагъистаналъул спорт­сменазе щварал бергьенлъа­базул бицунаго, тIоцебесеб иргаял­да, рехсезе ккола ХIабиб Нурму­хIа­мадовасул цIар.

Аралъул хIасилалги бачIунелъул масъалабиги

Гьес араб соналда цIунана UFCялъул рачел.
Рехсараб гIуцIиялъ Абу-Дабиялда тIобитIараб турниралда гьес къезавуна Америкаялъул Цолъарал Штатаздаса спортсмен Дастин Порье.
Халкъалда гьоркьор ВЦИОМалъ гьарурал цIех-рехазги бихьизабуна ХIабиб НурмухIамадов араб соналъул бищунго машгьурав спортсмен кколевлъи. КIиабилеб бакIалда йиго фигуристка Алина Загитова.
Цогидал рейтингаздаги цебесеб кьерда буго ХIабибил цIар. Гьединго ХIабибица нухмалъи гьабулеб буго хехаб къагIидаялда машгьурлъулеб бугеб GFC гIуцIиялъеги.
Исана апрелалда ХIабиб Нур­мухIамадов къеркьезе ккола гьор­кьо­хъеб цIайиялда бищунго къу­ватал спортсменазул цоявлъун ри­­­­кIкIунев СШАялдаса речIчIухъан То­ни Фергюсонгун. UFCялъ ункъо нухалъ хIалбихьана гьезда гьоркьоб къеркьей тIобитIизе. Амма ункъабго нухалда, батIи-батIиял гIиллабазда бан, гьел октагоналде рахъинчIо.

 

2019 соналъул бищунго лъи­кIав спортсменлъун рикIкIана ГIаб­дул­рашид Садулаевги. Гъоркьиса гьев вахъана Дунялалъул, Европаялъул ва Европаялъул хIаязул чемпионлъун.
Имам Шамилил сурат тIад бахъа­раб футболкаги ретIун пресс-кон­ференциялде вачIунин абун гуга­риялъул халкъазда гьоркьосеб фе­де­рациялъ ункъо моцIалъ цеве ва­хъине гьукъаниги, гьоркьоса къо­тIичIого хIадурлъулев вуго гьев исана рукIине ругел Олимпиялъул хIаязда гIахьаллъизе.
Дагьалъ цеве Садулаев, Дагъистаналъул тIаса бищараб командагун, Адлералда рукIарал сбораздаса тIадвуссана. Анкьалъ хIухьбахъиги гьабун, цIидасан байбихьизе руго гугарухъабазул сборал.

 

Руччабазда гьоркьосеб боксалъул рахъалъги нилъер спортсменкабаз гIезегIан хIаракат бахъана. Улан-Удэялда тIо­битIараб дунялалъул­ чемпионаталъул 81 кг цIайиялда финалалда, Турциялдаса спортсменкаги къезаюн, Зенфира МухIамадгIалиева яхъана чемпионкалъун.
Гьебго чемпионаталда лъабабилеб бакIалъе мустахIикълъана ни­лъер цогидай ракьцояй СагIадат ТIалхIатоваги.

ЛъикIал хIасилал рихьизаруна боксер Муслим ХIажимухIамадовасги. 2019 соналъ профессионалияб гуреб боксалъул рахъалъ дунялалъул чемпионлъун вахъана гьев. БакIаб цIайиялда цеве вахъунев дагъистаниясул исана рес буго Олимпиялъул чемпионасул медаль босизеги.

***
Футболалъул рахъалъ Россиялъул тIаса бищараб командаялда гъорлъ Грециялда тIобитIараб гIолилазул дунялалъул чемпионаталда бергьана Дагъистаналдаса кIиго футболист – ХIамид ШагIбанов ва Рустам Рамазанов.

***
Дагьаб цебе Олимпиялъул программаялда гъорлъе бачараб каратэялъул рахъалъги дунялалъул чемпионлъун вахъана Дагъистаналдаса спортсмен Шамил МухIамадов.

***
ТIадагьаб атлетикаялъул рахъалъ­ги рукIана нилъер спортсменазул меседил медалал. Парижалда инвалидазда гьоркьоб тIобитIараб дунялалъул чемпионаталда ядро рехиялъул рахъалъ лъабабилеб бакI ккуна Муса Таймазовас.

***
Араб сонго гIадин, 2020 сонги батаги нилъер спортсменазе икъбалаблъун. ЦеречIарал масъалаби гIемер руго. Т1оцебесеб иргаялда, лъикIал хIасилал рихьизаризе ккола Токиоял­да рукIине ругел Олимпиялъул хIаязда. Допингалда дандечIараб халкъазда гьоркьосеб агентствоялъ спортсменазе гьукъулеб буго Россиялъул байрахъал­да гъоркь цере рахъине. Гьеб суалги роцIцIинабун бажарилеб батила.

Прочитано 122 раз
Другие материалы в этой категории: « Спортги политикаги жубараб мехалъ

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх