FaceBook  in  yt  rss

11

Къо-лъикI, премьер-лига

Хадусеб сезоналда «Анжи» хIазе буго Россиялъул миллияб лигаялда

 

Футболалъул рахъалъ Россиялъул чемпионаталъул премьер-лигаялъул 30-абилеб туралда МахIачхъалаялъул «Анжиялъ» Анжи-аренаялда къабул гьабуна «Урал» команда. Бергьаниги бергьинчIониги, лигаялдаса къватIибе унеб «Анжиялъул» рахъкквезе стадионалде вачIун вукIун ватила гIага-шагарго азаргогIан чи. ТIоцебесеб таймалда майданалда унеб букIана хIал бащадаб хIай. Амма кIиабилеб таймалда гьалбадерица кIиго нухалда къварид гьавуна «Анжиялъул» голкипер Юрий Дюпин. ТIоцебесеб гол кьабуна Павел Погребнякица. Заман иналдего, ай 59-абилеб минуталда кIиабилебго торгIо махIачхъалаялъулазул кавабахъе ккезабуна «Уралалъул» защитник Сергей Брызгаловас.
«Анжи» хадусеб, ай 2019-2020 соназул футболалъул сезоналда гIахьаллъизе ккола Россиялъул миллияб футболалъул лигаялда. Амма футболистаздагун тренеразда цебе гIезегIан налъаби ругеб Дагъистаналъул клуб биххун иналда хIинкъиги буго. ГьабсагIаталда командаялда хадуб бугеб налъи буго гIага-шагарго 300 миллион гъуруш. Гьал къоязда «Анжиялъул» президент ГIусман Къадиев, кумек тIалаб гьабун, щвана цеве командаялъул вукIарав президент Сулейман Керимовасухъе. Гьесин абуни лъазабуна республикаялъул нухмалъиялъе ва гьединго рахъкколезе клуб хIажат батичIони, гьеб цIуниялъул пайда гьечIин. Гьединго ГIусман Къадиев дандчIвана Россиялъул футболалъул союзалъул нухмалъулев Александр Дюковгун. Гьес рагIи кьуна командаялъе бажарараб кумек гьабизе. Дюковасул рагIабазда рекъон, республикаялъул нухмалъиялъ кверхьвагIун тани, РФСалдаги кIоларо командаялъе кумек гьабизе.
«Анжи» ккола жиндирго тарихги, рахъкколезул кIудияб къокъаги, хасаб тIабигIат-гIамалги бугеб команда. Гьединлъидал гьеб премьер-лигаялдаса гъоркьияб дивизионалде борти ккола Россиялъу­л футболалъего кIудияб ками. ХIаракат бахъизе ккола команда цIидасанги тIа­дегIанаб даражаялде бачине. РФСалъ бажарараб гьабизе буго «Анжиялъул» академия цIунизе ва гьединго командаги рехун теларо», - ян лъазабуна Дюковас.
ГIусман Къадиевас «Матч-ТВ» федералияб каналалъул мухбиразулгун букIараб гара-чIаариялда бицана 2018-2019 соназул сезоналда щибаб хIаялде ахIулел рукIаниги, «Анжиялъул» рахъкквезе стадионалде цогIаги Дагъистаналъул хIаким вачIинчIилан. «Щай гьез цого-цо бугеб республикаялъулаб команда гьеб хIалалда тун бугебали бичIчIуларо. Амма кин букIаниги, команда биххизе дица тезе гьечIо, кинаб рес батунги хадусеб сезоналда миллияб лигаялда гIахьаллъизе руго ва яхI бахъила премьер-лигаялде тIадруссине», - ян бицана ГIусман Къадиевас.

Турниралъулаб таблица

Прочитано 88 раз Последнее изменение Вторник, 11 июня 2019 13:56

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх