2018 соналъул бищунго лъикIал спортсменал

Олимпиялъул спорталъул тайпабазда росарал бергьенлъаби

2018 соналда Россиялъул, Европаялъул ва дунялалъул чемпионатазда Олимпиялъу­л спорталъул тайпабазда бищунго лъикIал хIасилал рихьизарурал Дагъистаналъул спортсменазда цIарчIвана Спор­­талъул министерствоялъ. Би­щунго лъикIал анцIго­язде гьоркьоре ана эрке­наб гугариялъул рахъалъ микь­го гугарухъан ва кIиго дзю­доист.
Гьеб сияхIалъул бетIералда вуго МахIачхъалаялъул ХI. ХIамидовасул цIаралда бугеб спортшколалда тренер Ша­мил ГIумаровас куцарав, церехун рехсарал киналго турниразда гъоркьиса бергьенлъаби росарав ГIаб­дулрашид Садулаев.
Гьединго бищунго лъикIал гугарухъабазул сияхIалда ву­­го Хасавюрталъул М. Ба­ти­­ровасул цIаралда бугеб спорт­школалъул вакил Завур Угу­ев. Шеме Шемеевасул уче­никасе меседил медалал щва­на улкаялъул ва дуняла­лъул чемпионатазда. Европая­лъул чемпионаталда Угуевасе щвана гIарцул ме­даль. Гьес­да хадув гьеб сия­хIалда вуго Хасавюрталъул олимпиялъу­л резервалъул училищеялда тренер ХIамзат ГIабасовас тарбия кьурав АхIмад ХIажимухIамадов. Гьес тIоцересел бакIал ккуна Россиялъул, Европаялъул чемпионатазда ва мазгарул медаль босана дунялалъул чемпионаталда.
2018 соналда Россиялъу­л ва ду­ня­­лалъул чемпионатаз­да бер­­гьенлъаби росана Ма­хIач­­хъалаялъул ГI. Саду­ла­е­­­­ва­сул цIаралда бугеб спорт­­­шко­лалдаса гугару­хъан Му­хIамадрасул Гъази­му­хIа­­ма­довасги. Европая­лъул чем­­пионлъун ва дуня­ла­лъул чем­­пионаталъул гIар­цулав при­­зерлъун ва­хъа­­на Гъа­зи­гъан­­да Рашидо­васул, жиндир­го инсул уче­ник Кас­­пийскалъул «Энер­гия» спорт­­школалдаса ХIажи­му­рад Ра­шидов.
Россиялъул чемпионаталда бергьана ва дунялалъул чем­пионаталда лъабабилеб бакI ккуна Хасавюрталъул Ш. ГIумахановасул цIаралда бу­геб спортшколалъул ва тре­нер Тежди ХIусейновасул уче­ник АхIмад Чакаевас.
Россиялъул чемпионатал­да меседил ва дуняла­лъул чемпионаталда гIар­цул медалал росана Ш. ГIума­ха­новасул цIаралда бугеб СДЮСШОРалда тренер Юсуп ГIумаровас ругьун гьа­вулев гугарухъан Казим МухIамадкеримовас (гIин­къазул спорт).
Россиялъул чемпионлъун вахъана ва дунялалъул чемпионаталда мазгарул медаль босана Аскар Аскаровас — ГIу­махановасул цIаралда бу­геб СДЮСШОРалда тренер Мусхаб КIудиевас ругьун гьа­вулев гугарухъанас.
Улкаялъул чемпионаталда меседил ва дунялалъул чем­пионаталда гIарцул медаль босана, единоборстваба­зул спорт­школалда тренер Асилдер МухIамадовас ру­гьун гьавулев дзюдоист (бе­цца­зул спорт), ГIабдула Къу­ра­мухIамадовас.
Гьебго спортшколалдаса тре­нер Борис СалихIовасул уче­ник – дзюдоист (беццазул спорт) Руслан Албагачиева­се мазгарул медаль щвана улкаялъул чемпионаталда.