FaceBook  in  yt  rss

Лукъманил ХIакимил насихIатал

Дунял цIакъ дагьаб жо буго, гьениб дур гIумруги жеги цIакъ дагьаб жо буго, гьеб гIумруялъул дуе хутIараб жо абуни цIакъго цIакъ дагьаб жо буго.

Лукъманил ХIакимил насихIатал

• Мун дунялалде машгъуллъуге, гьениб дуе гIумруялъул нахъе хутIараб жоялъул къадаралда гурого.
• Дуца БетIергьан Аллагьасе гIибадат гьабе, Гьесде мун хIажалъулевгIан къадаралъ.
• Дуца ахираталъул гIамал гьабе, гьенив чIезе вугебгIан къадаралъ.
• ЖужахIалъул цIаялдаса хвасарлъулеб гIамал гьабе, гьелдаса хвасарлъи дуда якъинго лъазегIан.
• Мунагьал гьаре Аллагьасул гIазабал хIехьезе кIолебгIан къадаралъ.
• Аллагьасде гIасилъун мунагь гьабизе къасд ккедал, дуца балагье гьеб мунагь гьабизе Аллагьасдаги Гьесул малаикзабаздаги бихьулареб бакI.
• Дуца дурго дунялги кьун ахират бичун босе – дуе дунялалдаги ахираталдаги хайир щвела.
• Дуца дурго ахираталъухъ дунял босуге, гьанивги доваги чIового хутIила.
• Бахиллъи, тIабигIат квешлъи ва гIемер гIадамазде хIажалъи тIалаб гьаби ахIмакълъиялъул гIаламатаздасан буго.
• ГIузру бачун мун вацIцIардуге дур гIузру бихьизе бокьичIев чиясда цеве ва дуца дур хIажат тIубан, дур кверщел батизе бокьуларев чиясдаса кумек тIалаб гьабуге.
• Адабалъул ва муруваталъул рахъалъ бищунго гIадамазе лъикIав чи вуго жив чияде хIажалъидал нахъекъан чIолев, амма жинде цогидав хIажалъидал, гьесул хIажат тIубазе аскIов чIолев.
• Чияр хIакъалъулъ дуда лъараб жо дуца бищунго лъикIалде баче, гьесдаса тIубараб хIужа духъе щвезегIан.
• Дуца гIабдалзабаздехун магIна гъваридаб калам гьабуге, гьез мун гьереси гьавизе гурин, гьединго гIакъилал чагIаздехун батIулаб калам гьабуге, гьезул дудаго ццин бахъине гурин.
• Жиндихъ гIенеккуларев чиясдехун кIалъалев чи хваразухъе цIа бакизе цIул баччулев чиясда релълъун вуго.
• Дуца гIелмуялъул агьлуялдаса гIелму нахъчIваге, дуе мунагь букIуна, агьлу гурезухъе гьебги кьоге, мун гIабдаллъун вукIуна.
• Воре, мун цIуне кIвахIаллъиялдаса ва чIалгIаде чIвачIвадиялдаса. КIвахIаллъани, дуца дудаго тIадаб иш тIубаларо, чIвачIвадани, битIараб жоялда сабру гьабизеги кIоларо.
• Мун гIемер мехалъ хIажатханаялда гIодов чIоге, басур (геморрой) ккеялъе сабаблъила.
• Халатккун хIажат тIубаялъ тIул багъаризабула ва басур унти ккезабула.
• Жинца гIадамалги живгоги ращад гьарурав ритIухъав чиясул Аллагьас хиралъи цIикIкIинабула.
• Васасе инсул тамихI хуруе рак гIадаб жо буго.
• КIалъалеб мехалъ дуца калам къокъ гьабе ва каламалдалъун мурад тIубан хадуб каламги гьабуге.
• Дурго хIалкIолъи-бажариялъ чияда зулму-хIал гьабиялде мун ахIараб мехалъ, дуца ракIалдещвезабе Аллагьасул дуда тIад бугеб къуват. Аллагьасул гIазаб кутакаб ва даимаб лъугIел гьечIеб буго.

Прочитано 136 раз
Теги

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх