ДРялъул хIукуматалъул председатель Артем Здунов щвана ДРялъул печаталъул ва информациялъул министерствоялде

 

Артем Здуновасги печаталъул ва информациялъул министрасул ишал тIуралев Рашид Акавовасги бицана республикаялъул СМИязул кумекалдалъун пачалихъияб политика гIумруялде бахъинабиялъулги церечIарал масъалабазулги хIакъалъулъ.
Рашид Акавовас бицана республикаялъул газетаздасан кьолел макъалабазул аслиял темабазул хIакъалъулъ. Гьесул пикруялда рекъон, миллиял мацIазда рахъулел газетаз квербакъула халкъазул гIадаталги, маданиятги, тарихги цIунизе ва гьезул кьучалда халкъал гъункизариялъеги терроралдегун экстремизмалде данде къеркьеялъеги.
Артем Здуновас абуна, жалго бетIергьанал СМИяздасанги пачалихъияб политика гIумруялде бахъинабизе хIаракат гьабизе кколин. Гьел сурсатазул кIудияб кIвар бугинги абун, гьадин абуна премьер-министрас: «ЖамгIияталъул пикру куцалел киналго СМИязгун хIалтIизе ккола. ГIадамаз цIикIкIараб божилъи гьабула социалиял гьиназде. Амма гьиналгун хIалтIулел СМИязул къадар жеги дагьаб буго».
ДРялъул бетIерасулги хIукуматалъулги
администрациялъул пресс-хъулухъ