Гьал къоязда 60 сон тIубана ДРялъул муфти, шайих АхIмад-хIажи ГIабдулаевас
Шапакъат кьуна
Гьал къоязда 60 сон тIубана ДРялъул муфти,
шайих АхIмад-хIажи ГIабдулаевас
Гьеб рохалилаб къоялда бан, ДРялъул бетIер Владимир Васильевас гьесие сайгъат гьабуна «Халкъазда гьоркьосел хъачагъал щущахъ риххизаруралдаса 20 сон тIубаялде» абураб медаль. Медаль муфтиясе кьуна Дагъистаналъул халкъазул цолъиялъул къо кIодо гьабулеб къоялъ.
Республикаялъул нухмалъулес муфтиясе гьарана щулияб сахлъиги, халатаб гIумруги, бусурбабазул умматалъулгун Россиялъул жамгIияталъул баракатаб цебетIеялъул мурадалда гьабулеб хIаракаталъулъ икъбалги.
