FaceBook  in  yt  rss

11

Анкьил хIасилал

Социалияб рахъ цебетIеялъе 18,5 млрд

 

Дагъистаналда 10 миллияб проект гIумруялде бахъинабулеб буго

Анкьабилеб августалда ДРялъул ХIукуматалъул председатель Артем Здуновас республикаялда гIумруялде рахъинарулел ругел проектазул хIакъалъулъ бицунеб ДРялъул бетIерасда цебе бугеб советалъул данделъи тIобитIана. Гьенир гьоркьор лъун рукIана  миллиял проектал.

Артем Здуновас ракIалде­щве­забуна 12 миллияб проекталъул анцIгоялъулъ гIахьаллъи гьабулеб бугин исана Дагъистаналъ. Гьел проектал гIумруялде рахъинариялъе биччан буго 18,5 миллиард гъурущ, гьелда гьоркьоб 15,8 миллиард гъурущ федералияб бюджеталдаса биччараб буго, 1,2 миллиард гъурущ республикаялъул бюджеталдаса, 1,5 миллиард гъурущ батIи-батIиял бакIаздаса.

Социалиял суалал

«Демография» миллияб проект гIумруялде бахъинабиялъул хIакъалъулъ хIисаб кьуна ДРялъул захIматалъул ва социалияб цебетIеялъул министрасул заместитель Ибрагьим Зайналлаевас.
Гьес бицана гьеб проектал­да рекъон, Дагъистаналда гIум­руялде бахъинабулеб бугин же­ги щуго регионалияб проектги: «Лъимал гьаригун хъизамазе гьабулеб гIарцулаб кумек», «КIудияб ригьалъул гIадамал», «ХIалтIулел руччабазе кумек – лъабго сон базегIан лъималазе ясли-ахал чIезари», «ЖамгIияб сахлъи щула гьаби», «ГIадамал спорт ва физическияб культураялде руссиналъе шартIал чIезари».
Ибрагьим Зайналлаевас бицана тIоцебесеб лъимер гьабураб 16000 хъизамалъе гIарац кьунин. Гьединго Дагъистаналда 2019 соналъул тIоцебесеб бащдаб лъагIалида жаниб лъимер щун­гутIиялъул гIузру бугеб 711 хъизамалъе ОМСалъул программаялда рекъон ЭКО чIобого гьабун буго.
«КIудияб ригьалъул гIада­мал» проекталда рекъон, халкъалъе социалияб кумек гьабия­лъул гIуцIабазда кIудияб ри­гьалъул гIадамазе кумекалъе 29 къокъа гIуцIизе буго. Гьаб со­налъул январь-июль моцIазда пенсиялъул ригь тIаде щолеб бугев 800 чиясе жеги тIадеги профессионалияб лъай щвезе кумек буго.
Лъабго сон бачIел гIисинал лъималазул хIалтIулел ругел улбузе кумекалъеян абуни исана 6750 бакIалъул 35 лъималазул ах базе хIисабалде босун буго. Гьел ран лъугIизе руго 2020 соналда.

Лъайкьей

«Миллиял проектал гIумру­ялде рахъинариялъе гIемераб гIа­рац биччалеб буго, амма киназдаго бичIчIизе ккола, хIалтIи гьабураблъун рикIкIине буго гIицIго рарал бакIазухъ ва гIадамазул разилъиялъухъ балагьун. Киналниги регионазул хIалтIуе къимат кьолеб 15 шартIалъул бищунго аслияблъун ва кIвар бугеблъун букIине буго гIа­датиял гIадамазул разилъи. Ми­ллиял проектазда рекъон, шко­лал ва лъималазул ахал разе, гъоркьиса республикаялъул бюджеталде щвараб гIарцудаса 1,9 миллиард гъурущ биччазе буго», - ян бицана Артем Здуновас.
ДРялъул лъайкьеялъул ва гIелмуялъул министр, ДРялъул ХIукуматалъул председателасул заместитель Уммупазиль ГIу­маровалъ бицана, Дагъистаналда «Лъайкьей» миллияб проекталда рекъон, гIумруялде рахъинарулел ругин анкьго регионалияб проект: «Гьанжесеб школа», «Щибаб лъимадул цIалулъ бергьенлъи», «Тарихияб лъайкьей», «Лъимал ругел хъизамазе кумек», «ГIолохъанал профессионалал», «БукIинеселъул учитель» ва «Социалияб хIаракат».
«Гьанжесеб школа» проекталда рекъон, исана бан лъугIизабизе буго 11 лъайкьеялъул идара. Гье­динго байбихьизе буго 7030 цIалдохъанасе гIураб 12 школа базе, гьелги ран лъугIизаризе руго 2020-2021 соназда.

СахлъицIуни

ДРялъул сахлъицIуниялъул ми­нистр Жамалудин ХIажиибра­гьи­мовас бицана «СахлъицIуни» абураб миллияб проекталда рекъон республикаялда гIум­руялде бахъинабулеб бугеб анкь­го регионалияб проекталъу­л хIакъалъулъ. Жакъа къоялда РФялъул СахлъицIуниялъул министерствоялдаги Дагъистаналдаги гьоркьоб 16 къотIи гьабун буго.
«Медикиябгун санитарияб тIоце­бесеб кумек гьабиялъул къагIида цебетIезабизелъун, 2019 соналда республикаялъул районазда гIуцIизе буго фельдшерлъия­лъулгун акушерлъиялъул 15 цIияб пункт. Жакъа къоялда щу­го медицинаялъул гIуцIиялда хIал­тIулеб буго тохтурасухъе электро­нияб къагIидаялъ ирга­ялда хъваялъул къагIида», - ян бицана Жамалудин ХIа­жи­ибра­гьимовас.

Маданият

Миллиял проектазулъ маданият цебетIеялъе «Культурная среда», «Цифровая среда», «Творчествоялъул гIадамал» абу­рал регионалиял проектал гIум­руялде рахъинаризе ругин бицана ДРялъул культураялъул министр Зарема Бутаевалъ.
«2019 соналда ДРялда къа­чIазе буго рикIкIадал районазул культураялъул анлъго идара. Цо-цо районазул муниципалиял гIуцIабаз росизе руго автоклубалги. Гьединго лъималазул музыкалиял, художествиял, кьур­дул школал, училищаби, ва искусствоялъул школал хIажатал музыкалиял алатаздалъун ва къайиялдалъун хьезаризе руго», - ян бицана Зарема Бутаевалъ.

Прочитано 44 раз Последнее изменение Вторник, 13 августа 2019 15:03

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх