FaceBook  in  yt  rss

11

ДРялъул хIукуматалда

200 чиясе хIалтIизе бакI щвела


Пачалихъияб программаялда тIад хвезабизе буго 80 млн гъуруш

ДРялъул хIукуматалъул председатель Артем Здуновас тIобитIараб данделъиялда бицана «2014-2018 соназда Дагъистаналъул мугIрузул ракьазул социалиябгун экономикияб цебетIей» абураб пачалихъияб программаялда хиса-басиял гьарулел рукIиналъул хIакъалъулъ.
Артем Здуновас абуна гьеб программаялъул аслияб мурад бугин мугIрузул 30 бакIалда инвестициял гьариги, гIадамазе хIалтIизе бакIал чIезариги, промышленнияб производствоялъу­л индекс ва территориалияб гIаммаб про­дукт цIикIкIинабиги. Данделъиялда аслияб кIалъай гьабуна ДРя­лъул экономикаялъулги территориалияб цебетIеялъулги министрасул тIоцевесев заместитель ХIажи Султановас. Гьесул баяназда рекъон, рехсараб программа гIумруялде бахъинабиялъул мурадалда, исана республикаялъул бюджеталдаса кьезе буго 80 млн гъуруш. «Гьеб гIарцухъ ракIалда буго цIакъго чIахIиял гурел теплицаби разеги, нигIматал хIалтIизарулел гьанжезаманалъул предприятиял гIуцIиялъул инвестициязул проектал гIумруялде рахъинаризеги, нигIматал цIунулел логистиял централ ва промышленниял алатал хIадурулел, гьездаго гьоркьор – бакIал раялъе хIа­жаталги, предприятиял гIуцIизеги. ЦIияб балеб бакIалъухъ субсидия хIи­сабалда кьезе буго гьелъул гIаммаб багьаялъул 50 процент, амма кьезе гьечIо кIиго млн гъуршидаса цIикIкIун гIарац – гIисинал теплицабазухъ ва лъабго млн гъуршидаса цIикIкIун – мини-заводазухъгун нигIматал цIунулел логистиял центразухъ. Объекталъул багьа чIезабизе буго проекталъулгун сметаялъул документазул кьучIалда», - ан бицана гьес.
Пачалихъияб программа гIумруялде бахъинабулаго, 2019 соналда хIалтIу­далъун хьезавизе вуго тIадеги 200 чи.


«100 школа»

«100 школа» абураб республикаялъулаб программаялда рекъон, цIигьарулел руго Дагъистаналъул лъайкьеялъул идарабазул минаби. Гьеб программаялда гьоркьоре ана Хьаргаби районалъул ГIаймаки, Могьохъ ва ЧIалда росабазул школалги. 2018 соналда, рехсараб программаялда рекъон, цIигьабуна 117 школа.

Прочитано 88 раз Последнее изменение Вторник, 07 мая 2019 12:48
Другие материалы в этой категории: « Насраниязул байрам ДРялъул хIукуматалда »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх