FaceBook  in  yt  rss

11

БизнесчагIазе кумек

Сакъатал гIадамазда месед-гIарцул тIагIелал гьаризе малъула Наида МухIамадовалъ

 

18 декабралда, МахIачхъалаялда «Россия – дир тарих» тарихалъулаб музеялда тIобитIана «Мун - предприниматель» абураб федералияб программаялъул хIасилияб конгресс. Гьенир рихьизаруна гIолохъанал дагъистаниязул бищунго лъикIал бизнес-проектал ва тIобитIана пленарияб бахIс.
«Предпринимательствялъул фаб­рика» проекталъе кьучI лъурав инвестор, тадбир нухда бачарав Айдар Булатовас бицана 2018 соналъул лъайкьеялъул программабаз данде вачун вукIанин 4000 дагъистанияв, 20 районалдаса 30 насихIатчияс мастер-классал рихьизарунин, старт-фабрикаялда гIахьаллъизе 300 гIарза бачIун букIанин.
Инвестициязул сессиялъул къагIидаялда тIобитIараб пленарияб бахIсалда «Мун – предприниматель» проекталъул гIахьалчагIазул бищунго лъикIал проектазе къиматал кьолел рукIана инвестициязул советалъул вакилзабаз. Гьезда гьоркьов вукIана Дагъистаналъул бетIер Владимир Васильевги, ДРялъул хIукуматалъул председатель Артем Здуновги, предпринимателал Сергей Акульчевги, Зульгимар Тагибоваги ва цогидалги.
Данделъиялде рачIараздехун Вла­димир Васильевас абуна, гьел проектазул авторал кколин Дагъистан республика тун къватIибги цебетIезабулел унго-унгоял патриотал. «Баркала кьезе бокьун бу­го гьаб конгрессалде рачIарал гIа­хьал­чагIазе ва министразе», - ян абу­на регионалъул нухмалъулес.
Республикаялъул автозаправкабазул станциязул вакилзабазулгун букIараб дандчIвайги ракIалдещвезабулаго, хадубги гьес абуна: «Нижеца гьезда гьарана ракIбацIцIадго налогал кьеян ва гьенир хIалтIулезул къадар бихьизабеян. Гьелдаса хадуб налогал цIикIкана, гьединго цIиял хIалтIул бакIалги щвана гьенир гIадамазе. Гьеб ккола жиндирго халкъалда цебе бугеб жавабчилъиялъул магIна», - ян.
Дагъистаналъул бетIерас лъазабуна конгрессалда церелъурал проектазул цояб республикаялъул нухмалъиялъ цебе бачине бугиланги. «Гьеб проекталъулъ киналго тIалабал тIуран руго. Гьеб ккола гурхIел-рахIмуялъул, интересаб ва рухIияб проект», - ан абуна Владимир Васильевас.
Жидерго проектазул бицине церерахъарал щуго предпринимателазда гьоркьоса кIигоязе призал щвана. Ралагьаразе бокьарабин абураб приз щвана жидер проекталда тIасан бищунго цIикIкIун суалал кьурав технологияв предприниматель, цIияб къагIида ургъарав (инноватор), «Свежая вода» проекталъул нухмалъулев МухIамад Штанчаевасе. Коляскабазда ругел сакъатал гIадамазда ювелирияб хIалтIи малъиялъул бищунго лъикIаб инвестициялъулаб проект бихьизабуралъухъ аслияб приз щвана Наида МухIамадовалъул проекталъе.
ПатIимат
СултIанмухIамадова

Прочитано 116 раз Последнее изменение Понедельник, 24 декабря 2018 10:27

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх