FaceBook  in  yt  rss

11

Президентасул тIадкъаял тIуразе ккола

ДРялъул бетIер дандчIвана районазул бутIрулгун

 

ДандчIваялда гIахьаллъана Дрялъул бетIер Владимир Васильевги, ДРялъул хIукуматалъул председатель Артме Здуновги, ДРялъул бетIерасулги ДРялъул хIукуматалъулги администрациялъул нухмалъулев Владимир Ивановги, ДРялъул тIабигIиял сурсатазулги экологиялъулги министр набиюла Гъарачаевги.

ДандчIваялда бицана муниципалиял районазул социалиябгун экономикияб цебетIеялъулги 2018 соналъул анлъабилеб июлалда, В.Васильевасул хитIабалда рекъон, РФялъул президент Владимир Путиница кьурал тIадкъаял тIуразариялги хIакъалъулъ.

Болъихъ районалъул бетIер МухIамад ПатхIулаевас бицана, рагъулаб городокалда букIараб «Меседил кIул» абураб лъималазул ах муниципалитеталъул мулклъун гьабиялъулги, Болъихъ росулъ сахлъицIуниялъул комплексги (200-ялдаса цIикIкIун млн гъуршил багьаяб) бассейнги (110-ялдаса цIикIкIун млн гъуршил багьаяб) разе проектал хIадуриялъулги, 2019 соналде тасдикъ гьабураб республикаялъул бюджеталда, АнсалтIаса рахатIе ва гьенисаги Болъихъе бачараб лъел мухъалда лъим бацIцIад гьабулеб алат рекъезабиялъул мурадалда, 110 млн гъуруш ва АнсалтIа росулъ спортзал баялъе 34,2 млн гъуруш бихьизабиялъулги хIакъалъулъ.

Гьелде тIадеги, районалъул бетIерас абуна, педагогиялги медицинаялъулги хIалтIухъабазе базе бугин гIемертIалаяб мина. Болъихъ районалъул централияб больницаялда лъезе бугин МРТ ва, РФялъул оборонаялъул министерствоялъулгун гьабураб къотIиялда рекъон, бан бахъинабизе бугин кьишни батIагьабулеб комплексги рагъулаб городокалде унеб лъим бацIцIад гьабулеб алатги. Бицана гьес ЦIумада районалъул Инхокъвариса Болъихъ районалде лъим бачиналъул масъала бугиланги. Гьелдалъун ЦIумада районалъул анкьго ва Болъихъ районалъул щуго росабазе лъим щвезе рес букIина.

ЦIумада районалъул бетIер АнвархIажи Вечедовас бицана Гьигьалъ ва КIванада росабалъ школал ралел ругилан. Гьелъие биччан буго 370 млн гъуруш. Гьес ракIалдещвезаруна ТIаса Хъваршиниса Хушеталде нух баялъулги, ТIисси ва Гьакъо росабалъ школал раялъулги, Лъондода – Агъвали – КIочIали лъим бачиналъулги масъалаби. Гьел тIуразариялъул мурадалда тIадкъаял кьуна Владимир Васильевас. «Гьел руго улкаялъул президентасул тIадкъаял ва гьел тIуразе ккола, хабар гьечIого», - ян лъазабуна гьес.

Вечедовас борхана ЦIумада районалда ХIабиб НурмухIамадовасул цIаралда бугеб спортивияб комплекс баялъул масъалаги. «ХIабиб вуго Россиялъул гуревги, дунялалъулго даражаялъул цIва», - янги абун, гьеб пикруялъул рахъккуна регионалъул нухмалъулес.

Шамил Закаряев,

«ЦIумада район» МРалъул администрациялъул хIалтIухъан

   

Прочитано 42 раз Последнее изменение Четверг, 06 декабря 2018 08:32
Другие материалы в этой категории: « Инсанасул тIалабалда Гьава-бакъалъул хIилла »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх