FaceBook  in  yt  rss

11

Анкьил хIасилал

Щибаб проекталде кIвар кьола


ДРялъул бетIер дандчIвана «Авиастроителазул цолъизабураб корпорация (ОАК)»  ПАОялъул президент Юрий Слюсаргун

Санкт-Петербургалда тIобитIараб халкъазда гьоркьосеб экономикияб форумалда (ПМЭФ-2018) ОАКалъги ДРялъги къотIи гьабун букIана цоцазулгун бухьенал гьаризе. Гьеб къотIи гIумруялде бахъинабиялъул мурадалда, республикаялде рачIун рукIана рехсараб корпорациялъул вакилзаби.

Юрий Слюсарицаги Владимир Васильевасги бицана региона­лъул предприятиязул ругел ресазулги, технологиязул цебетIеялъулги, цадахъал проектазда тIад хIалтIиялъе рес кьолеб даражаялда производство гIуцIиялъулги хIакъалъулъ.
«Федералиял министерствабазулгун ведомствабазул кумекалдалъун, гъоркьиса нижехъа бажарана пайдаялъе гуреб къагIидаялда харж гьабулеб гIарац дагьлъизабизе. Гьелъие хIаракат бахъарал ва цадахъ хIалтIарал федералиял идарабазе баркалаги буго. КIвар бугеблъун дица рикIкIуна цоги хIужа: нижер бюджеталда ресал ратана цебетIеялъеги. Цересел соназде дандеккун, ункъцIул цIикIкIине буго гьелъие биччалеб сурсат. Гьединлъидал нижеца кIвар кьезе буго щибаб проекталде, гьеб гIумруялде бахъинабиялъул мурадалда», - ян абуна Владимир Васильевас.
Юрий Слюсарица абуна, корпорациялда церечIарал масъалаби бигьаял гьечIониги, гьел тIуразаризе бажарулин. «КъватIисел улкабазул къайиялъул бакIалда нилъе­рабго хIадур гьабиялъул рахъалъ хIалтIулаго, нижее щвана цебетIеялъе рес. Корпорациялъул аслиял рахъал ккола гражданиябги, транспортиябги, хасабги авиация. РакIалда буго, самолетал къватIисел улкабазе ричиялда бан, къотIаби гьаризе. Гьелъ рес кьела корпорация гуребги, кооперацияго цебетIезабизе», - ян абуна гьес.
Гражданияб авиация цебетIезаби ккола корпорациялъул вакилзаби Дагъистаналде рачIиналъул аслияб мурадги. «Нижеца хIалтIи гIуцIула Россиялъул регионазулгун – ралагьула оборудованиеги, хасал системабиги, самолетал ралаго, хIажалъулел цогидал алаталги хIадурун бажарулел улкаялъул предприятиял. Технологиязулги цIиял къагIидабигун материалал хIалтIизариялъул ра­хъалъ гьел рукIине ккола къватIисел улкабазул производителаздаса къечIеллъун. Республикаялъул цо-цо предприятиязул буго цебетIураб производство, технологиязул ра­хъалъ тIадегIанаб даража, гьединлъидал гьезулгун хIалтIизе гъираги буго нижер. Масала, «КЭМЗ» концерналъул нухмалъулел нижеца рикIкIуна божизе бегьулел ва махщел камилал партнераллъун. Бокьун буго «Авиаагрегат» заводгун ва «Волна» НИИгун цадахърекъон хIалтIизеги. Гьарула, гьезие кумек гьабе. Нижер хьул буго, гьелъие кьучIги буго – федералиял министерствабазги нилъее кумек гьабила», - ян абуна ОАКалъул президентас.
Нилъер предприятиязе мах­щел­чагIаз кьураб къиматалъул адаб гьабулинги баян гьабун, Владимир Васильевас гьадин абуна: «Нужеца кьураб къиматалъ нижее рес кьола, аслияб хIалтIи кинаб рахъалде гьетIизабизе кколебали бичIчIизе. ХIакъикъаталдаги, «КЭМЗ» цебетIолеб буго гьаб захIматаб заманалда: гьениб хIадурулеб буго хIажатаб къайи, цIализарулел руго махщелчагIи, гьениб буго инженеразулгун техникияб къуват. Бихьулеб буго лъида цебе масъала лъолебалиги лъиде мугъчIвазе бегьулебалиги. Предприятие хIадурго буго къватIисел улкабазул базаралда бичун унеб къайи гьабизе», - ян.

Прочитано 36 раз Последнее изменение Вторник, 06 ноября 2018 08:15
Другие материалы в этой категории: « Рагьараб накъит Анкьил хIасилал »
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх