FaceBook  in  yt  rss

Россиялъул президент дандчIвана регионазул цIирищарал бутIрулгун

КIудияб хIалтIуе лъураб кьучI

 

ИчIабилеб сентябралда улкаялъул регионазда, гьездаго гьоркьоб Дагъистаналда­ги, тIо­ритIана рищиял. ДРя­лъу­л Халкъияб Собраниялъу­л дан­делъиялда республикая­лъул бетIерлъун вищана Вла­­димир Васильев. Президента­сулгун букIараб дандчIваялда гIа­хьаллъана гьевги.
РФялъул президентас гьадин абуна гьеб дандчIваялда:
«Жакъа гьанире ракIарун ру­го хIалбихьи бугелги гьанже­лъи­зегIан федерациялъул субъектазул нухмалъулезул ишал тIуралел рукIаралги цIирищаралги нухмалъулел. Бокьун буго нужеда киназдаго баркизе рищиязда щвараб бергьенлъи. Дида ракIалде ккола, нужеда цIакъ лъикI бичIчIулеб бугин гьеб бергьенлъи кIудияб хIалтIуе лъураб кьучI кколеблъи. Гьарула, бажаранагIан хехго хIалтIизе байбихье. Нужер цоял хIалтIулел рукIана гьебго хъулухъалда, гьединлъидал хIалтIуде гъорлъе лъугьине нужее хIажалъиларо гIемераб заман. Нужеда церечIун руго гIаммал масъалаби. Гьел цогояллъун руго политикиял партиязеги, гьелги хIадурго руго нилъер улкаялъул, ватIаналъул цебетIеялъул мурадалда нужгун цадахърекъон хIалтIизе.
Аслиял масъалабилъун ккола халкъалъул къадар, гьезие щолеб хайир цIикIкIинаби, мискинлъи дагьлъизаби. Гьел мурадал тIуразе ккани, щивав чиясе хIалтIи букIинабизе ккола ва гьелъухъ лъикIаб харж щолеб хIалги гьабизе ккола. ЧIахIиялги гIисиналги шагьаразда, росабалъ гIуцIизе ккола гIумруялъе санагIатал шартIал: лъималазул ахал, школал, поликлиникаби, лъикIал нухал, берцинал къватIал ва ахалгун хIухьбахъиялъул бакIал. Гьел киналго масъалаби тIурала мухIканаб хIалтIи бугони, ай нужеда бараб буго гье­лъул гIемерисеб. ГIаммал мурадал тIураялъулъ кIудияб бутIа буго губернаторазул хIаракаталъул, хIакъикъаталдаги хIалтIулев чиясул лъикIал хIасилалги ру­кIуна, гьединазе кумек гьабизе нижги хIадур руго.
Бокьун буго аслияб мурадалде нужер пикру буссинабизе: гIадамаз пуланав кандидат гуро тIасавищарав, гьез бихьизабуна, щиб жидее рекIее гIоларебали, власталъул кинал ишал жидее къваригIун ругелали. Федерациялъул субъектазул бутIруллъун рищарал нужеда гьеб рагIизе ккола, нуж хIалтIизе ккола ругел масъалабигун ва нужер рахъккуразулги жеги цIикIкIун – батIиял кандидатазул рахъалда рукIаразулги суалазе жаваб кьун бажарулеб куцалда. Нуж ратIа кIанцIун чIоге нужералдаса батIияб пикру загьир гьабулездаса – гьел хIалтIизаре цадахъал ишазулъ. Щулияб бухьен гьабизе ккола бакIалъулаб самоуправлениялъулгун. ГIуцIе «Россия­лъул церехъаби» гIадал социалиял лифтал – гьеб къагIида лъикIаб бугеблъи бихьизабуна, гьарула, гьелда рекъон хIалтIе нужги. Ахирисел рищиязда бихьана, халкъалъ рахъкколеблъи цIигьариязул. Нужги хIалтIизе ккола, партиялъул ишал це­ретIезариялъул мурадалда гурел, гIаммал жамгIиял мурадазе гIоло. Нужер къокъабазулъеги раче жигарал, махщел камилал, ракIбацIцIадал, регионалъул це­бе­тIеялъе пайдаял гIадамал. Гьа­рула нужее икъбал», - ан.

Прочитано 230 раз Последнее изменение Понедельник, 24 сентября 2018 13:11
Другие материалы в этой категории: « Республикаялъул гIумру Сессия »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх