FaceBook  in  yt  rss

11

Сессия

Законалъ мухIкан гьабун гьечIо

 

Халкъияб Собраниялъул анлъабилеб ахIиялъул
къоло лъабабилеб сессиялда гьоркьоб лъуна 23 суал

Халкъияб Собраниялъул председателас, гьоркьоб лъезе босун букIинчIониги, рахьдал мацIазул суалалда тIасан кIалъазе рагIи кьуна Пачалихъияб Думаялъул депутат ХIажимет СафаргIалиевасе. Хиз­ри ШихсагIидовас абухъе, гье­лъие гIиллаги букIана рахьдал ма­цIазда сверухъ гIемераб хабар тIи­битIизабулеб букIин.
Депутатас баян кьуна «Лъайкьеялъул хIакъалъулъ РФялъул законалда хиса-басиял гьариялъул хIа­къалъулъ» хIадурун бугеб законалъул проекталда тIасан. ПалхIасил, гьес хIаракат бахъана рахьдал мацIал лъазаризе бегьуларин абураб жо мекъи бугилан бихьизабизе ва гьединаб хъвай-хъвагIай законалда гьечIолъи бичIчIизабизе.
Халкъияб Собраниялъул спикерасги абуна гьеб суал жеги мухIкан гьабизе бугин ва июналъул байбихьуда «парламенталъул гIенеккиял» тIоритIилин.
БатIи-батIиял фракциязул депутатаз жидерго кIалъаязда пикру буссинабуна республикаялъул гIумруялъулъ кколел цо-цо кIвар бугел суалазде.
Гъаякент районалъул захIматча­гIазул гьариялда рекъон компартиялъул рахъалдасан кIалъарав депутат Къурбан ХIабибовас бицана цIибил гIезабулаго дандчIвалел ругел гIунгутIабазул. «Дагъистаналда жакъа хIалтIулеб буго гIицIго 13 ГУП (советазул заманалда букIана 348). Гьезул хIалтIуе рукIине кколел шартIал чIезарун гьечIо, халкъалдаги дандбачIого гьарурал хиса-басияз заралги кьуна, - ян бицана гьес.
Депутат Марат Аслановас, ХIажи­мет СафаргIалиевасе жаваб кьолаго, тIадчIей гьабуна мацIазул суалалда. Ахираб щуго соналда жаниб рес­публикаялда цониги цIалул тIехь къватIибе биччачIин абуна гьес. Гьединлъидал Пачалихъияб Думаялда гьоркьоб лъезе хIадур гьабун бугеб гьеб закон Дагъистаналъул халкъазул мурадазде дандеги кколаро. «Халкъалъухъа щиб бахъаниги, гьелъ гьеб цIигьабула, амма гьелъухъа мацI бахъани, халкъ тIагIуна», - ян философасул рагIабаздалъун лъугIизабуна депутатас жиндирго кIалъай.
«РитIухъаб Россиялъул» фракция­лъул депутат Марат Алияровас тIад­чIей гьабуна республикаялда бакIал раялъул суалазда.
«Цогояб Россиялъул» фракция­лъул депутат МухIудин МухIудиновас бицана басриял минабахъа цIиял ба­кIазде гочинарулел гIадамазе шартIал чIезаризе ккеялъул.
ДРялъул муфтияс, тIаде щолеб бугеб гIидалъул къоялда бан, республикаялъул бетIерасухъе хъвараб кагъатги цIалун, В. Васильевас, кIалбиччан къоялъул хIурматалда, 14 ва 15 июнь гIодоркъояллъун лъазариялъул суал депутатазул халгьабиялде босана ва гьединаб хIукмуялда депутаталги разилъана.
Сессиялда кIалъалаго, республикаялъул бетIерасул ишал тIуралев В. Васильевас депутатазул пикру бу­ссинабуна Дагъистаналда церечIарал кIвар бугел цо-цо масъалабазде. Гьезда гьоркьоб аслиязул цояблъун кколин абуна налогал ракIари.
Зикрула Илясов

Прочитано 133 раз Последнее изменение Понедельник, 04 июня 2018 08:13
Другие материалы в этой категории: « Анкьил хIасилал ЧIагояб эфир »
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх