FaceBook  in  yt  rss

Шагьикьдерил Аскерханов

ТIайгиб Халитов гьавуна 1937 соналда ЦIунтIа районалъул Шагьикь росулъ. Гьес анкьго сон бараб мехалда, гьезул хъизамги цогидал цIунтIадерил жамагIаталго гIадин, гочинабуна Чачаназул Ведено районалде. Гьел ккана Балгъата росулъе. Гьениб лъугIизабуна ТIайгибица гьоркьохъеб школаги.

Шагьикьдерил Аскерханов

1957 соналда хъизам тIадбуссана гIагараб росулъе. Лъабго соналъ армиялда хъулухъги гьабун, ТIайгиб цIализе лъугьана Буйнакскиялъул медучилищеялде. Гьев тIамуна Мокъокъ росдал фельдшерлъия­лъулгун акушерлъия­лъул пункталъул (ФАП) нухмалъулевлъун. Хадув хIалтIана Шаури росдал участкаялъулаб больницаялда.
Бигьаяб букIинчIо фельдшерасул хIалтIи. Машинадул нух гьечIел росабалъе гьаризе кколаан гIемерал сапарал, балеб гIаздалгун цIадал яги иххица араб нухалъул санги гьабичIого. ТIайгиб Халитовасул берзукь букIана 10 росдал жамагIат – кисан ахIи тIаде щваниги, вахъунаан гьев сапаралде. Аллагьасул кумекалдалъун, гьес хвасар гьавуна чанги чи.
1970 соналда гьев тIамуна Шагьикь росдал ФАПалъул нухмалъулевлъун. Гьенив ТIайгиб хIалтIана 40 соналъ. Росуцояз, жидер гьабураб тIалабалъухъ, Халитовасе кьуна «Шагьикьдерил Аскерханов» абураб цIарги.
50 соналъ хIалтIана ТIайгиб Халитов больницаялда. Гьев къадаралде щвана 82 сон бараб мехалда, амма росуцояздаги цогидал цIунтIадеридаги гьев кидаго кIоченаро.

Прочитано 84 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх