Коронавирус тIибитIунгутIиялъул мурадалда, «Газпром межрегионгаз Махачкала» ОООялъ газалдаса пайда босулел дагъистаниязда гьарулеб буго хIалтIизабураб газалъухъ гIарац кьезе электронияб къагIидаялдаса пайда босеян абун.

 

 

Газалъухъ гIарац кьезе бегьула рехсараб компаниялъул сайталда – www.mkala-mrg.ru – бугеб абонентасул «Личный кабинеталдасан». Руго смартфоназда хIалтIулел «Мой Газ» ва «Сбербанк-онлайн» абурал приложениялги. Гьелде тIадеги, газалъухъ гIарац кьезе бегьула банказул онлайн-сервисазул кумекалдалъунги. Мобильниял приложенияздаса газалъухъ гIарац кьолеб мехалда тIаса кколаро комиссиялъухъ мухьги.
«Газпром межрегионгаз Махачкала» ОООялъ лъазабулеб буго: газалъухъ гIарац кьеялда бан нужер суал бугони, офисалде яги абонентазул централде рачIин чарагьечIеб иш гуро. Масъала тIубазабизе бегьула компаниялъул Call-централдеги кIалъан. Гьенибе ахIизе бегьула гьаб номералдасан: 8-800-200-98-04. Суалазе жаваб кьезе буго газалдалъун хьезарулеб компаниялъул www.mkala-mrg.ru сайталда рехсарал территориалиял участкабазул ва абонентазул пунктазул номеразде кIалъараб мехалдаги. Гьединал номерал хъван рукIуна газалъухъ гIарац кьун хадуб щвараб квитанциялдаги.
Газалъул мухъазда авария ккун бугони, кIалъай телефоналъул гьал номеразде: 04, 104 (мобильнияб телефоналдаса).
Районаздагун шагьаразда ругел абонентазул хъулухъалги территориалиял участкабиги хIалтIулел руго ругьунаб къагIидаялда, коронавирусалъул инфекциялъукьа цIуниялъул тIалабазда рекъон. Кин бугониги, абонентазда гьарулеб буго рикIкIадасан, ай мобильниял приложенияздаса пайдаги босун, газалъухъ гIарац кьеян абун. Гьедин гьабун кинго бажарулеб гьечIони, гьаб info@dagrgk.ru электроннияб почалде кагъат битIе яги 8-800-200-98-04 телефоналде кIалъай.
«Газпром межрегионгаз Махачкала»
ОООялъул пресс-хъулухъ
Бухьеналъе телефонал: (8722) 68-53-51, (932) 310-60-05
Факс: (8722) 68-53-51
Е-mail: f0050130@dagrgk.ru
http:// www.mkala-mrg.ru