Баркула нужеда лъаялъул байрам!

Жакъа кьабулеб цIумур нужее ккола лъаялъул кIалгIаялъуре ахIулеб цIумурлъун, гьитIичазул гIумруялда — гIажаибаб дунялалде кьабураб тIоцебесеб цIумурлъун.
Нужер гIумруялда кколел руго хIикматал лъугьа-бахъинал. Лъай-гIакълуялъул цIурал хулжалгун нужеде дандчIвай гьабулеб буго нус-нус школаз. Унго-унгоги, гIажаибаб асар гьабизе буго нужее гьеб байрамалъ. Гьелъ хисизабизе буго нужер къисматги.
Биччанте исана тIоцере школалде унезе гьеб хутIизе балъголъабазул цIураб хIикматаб рукълъун, исана цIалул соналда школа лъугIун унезе – цIияб гIумруялде тIамулеб таваккалаб галилъун. Жакъасеб гIумруялъ нужедаса тIалаб гьабулеб буго гъваридаб лъай, гIакълу, гIумруялъул карачелазде данде лъедезе къуват, жан ва жигар. МустахIикъаллъун рукIа ВатIаналъул божилъиялъе, ритIухъаллъун рукIа нужерго мурад – анищазе.
Нух битIаги нужее, ватIаналъул хIанчIи.
* * *
Дагъистаналда буго 1462 школаги, школалда цебесеб лъайкьеялъул 836 идараги. Гъоркьиса гIумруялде бахъинабуна «100 школа» абураб проект. Гьелда рекъон, гъоркьиса къачIана 117 школа. 2019 соналда гIумруялде бахъинабулеб буго «150 школа» абураб проект ва къачIалеб буго 217 школа. Проекталда гIахьаллъулел руго бакIазул администрациялги спонсоралги. Проекталъул аслияб шартI ккола бакIалъул бюджеталъулги спонсоразулги гIарац хIалтIизаби.
10214 цIалдохъанасе бакI бугеб 23 школа базе федералияб бюджеталдаса биччан букIана 10 миллиардгун цо млн гъурущ. Республикаялъулаб инвестициязул программаялда рекъонги базе буго 5151 цIалдохъанасе бакI бугеб 17 школаги кIиго спортзалги. Гьелдалъун рес щвела 18 школалъул 2400-ялдаса цIикIкIун цIалдохъан лъабго сменаялъул цIализавиялъе ахир лъезе.