FaceBook  in  yt  rss

11

Ихтиярал цiуни

РакIбацIцIадаб дармие гIоло


ТIолгороссиялъул Халкъияб фронталъ (ОНФ) халгьабуна АЗСазухъ

ОНФалъул Дагъистаналъул отделениялде рачIарал гIарзазда бицунеб букIана машинабазе бензин тIолелъул, автозаправкаялъул (АЗС) хIалтIухъабаз жидер ихтиярал хвезарулел ругин абун. Гьелда бан, «РакIбацIцIадаб дармие гIоло» абураб проекталда рекъон, ОНФалъ халгьабуна республикаялъул шагьараздагун районазда бугеб 50-ялдаса цIикIкIун заправкаялъухъ.
Халгьабуна МахIачхъалаялда, Дербенталда, Хасавюрталда, Гъизилюрталда, гьединго, Хасавюрт, ЦIияб Лак, Казбек, Гъизилюрт, Хъумторхъала ва Дербент районазда ругел АЗСазухъ.
ГIезегIанго ратана ракIбацIцIадго даран гьабулел предприниматель. Амма цо-цо АЗСазда тIатана потребителасул ихтиярал хвезариялъул хIужабиги. Рехселин гьезул аслиял:
1. ГIемерисел АЗСазда гьечIо цIатари бикьулел ва машинаялде тIолеб бензиналъул къадар мухIкан гьабулел пистолетазул халгьабиялъул хIакъалъулъ сертификатал. Гьединго батичIо халгьабизе рес кьолеб роценалъул алатги (мерник).
2. Цо-цо АЗСалда гьечIо «Потребителасул бокIон» яги гьелда ран руго басриял, ай болжал лъугIарал документал, гьездаго гьоркьор – бензиналъул даражаялъе нугIлъи гьабулел паспорталги.
3. Руго хIалтIизе ихтияр кьолел документалго гьечIел заправкабиги.
4. ЦIунулел гьечIо цIа ккеялдаса цIуниялъул тIалабал. ГIемерисел АЗСазул газалъулги бензиналъулги колонкаби чIезарун руго гIадамаз гIумру гьабулел минабаздаги, кафеяздаги, тукабаздаги, хIатта шагьраялда цIакъго гIагарда.
5. ЦIикIкIарасел заправкабазда цIатари тIоларо бичун босараб къадаралда.
6. Лабораторияб гуреб къагIидаялда, «Октис-2» абураб алаталъул кумекалдалъун халгьабуна цIатариялъул качество. Гьелдалъун чIезабуна, цо-цо заправкабазда АИ-92 маркаялъул бензиналъул бакIалда бичулеб буго АИ-80 маркаялъул бензин.
7. ГIемерисел заправкабазда кьоларо чек, гьечIо гьеб кьолеб алатгицин.
8. ЦIатариялъухъ багьа цIикIкIинабулеб буго жидеего бокьун. Гьебги гьабула гIисинал заправкаби базаралдаса тIагIинариялъул мурадалда. Гьелъие гIоло АЗСазулги АГЗСазулги бетIергьабаз ва цадахъго гIемераб цIатари бичулел компаниязги къотIи гьабулеб буго, пуланаб багьаялде киназго бензин бичиялъул хIакъалъулъ.
ТIатарал хIужабазул хIакъа­лъулъ чанцIулго лъазабуна ДРялъул прокуратураялдаги, налогазул федералияб хъу­лухъалдаги, Рос­потребнадзоралдаги. Амма рех­­сарал идарабаз тIадаб хIалтIи гьа­буларого буго. Кин батаниги, гьаб­сагIаталда бакIарун буго адми­нистративияб низам хвезабиялъул хIакъалъулъ материалги, бахъун буго цо чанго заправкаялъул бетIергьабазухъа гIакIаги.
МухIамад МухIамадов,
ОНФалъул модератор

Прочитано 56 раз Последнее изменение Понедельник, 29 октября 2018 07:46
Другие материалы в этой категории: « Диктант - 2018 Редакциялде кагъат »
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх