FaceBook  in  yt  rss

11

ЕГЭ-2018

Лъимал хIинкъизарулеб «хIапуч»

 

Экзаменал халатрахъине руго кIиабилеб июлалде щвезегIан

Лъимал хIинкъизарулеб «хIапуч»
Экзаменал халатрахъине руго кIиабилеб июлалде щвезегIан

Дагъистаналда гIурус мацIалъул ЕГЭ кьуна 12 азаралда 668 выпускникас. Исана ЕГЭ тIобитIулеб куцалъухъ халгьабизе республикаялде вачIун вуго Москваялдаса 120 чи. Гьел гьанире рачIиналъул мурадги буго нилъер лъималаз экзаменал ракIбацIцIадго кьолел ругищали халгьаби.
БитIараб буго. Экзаменал тIоритIизе ккола ракIбацIцIадго. Амма школа­лъул аудиториязда лъималазда хадуб кутакаб хъаравуллъи ккунилан, гIадлу-низамалде бачIинадайха киданиги сахлъизе рес гьечIеб «унтуца» унтун бугеб Дагъистан ва къойидаса къойиде ришватчилъиялъ кодобе босулеб бугеб республикаялда рацIцIадал экзаменал кьезе ресго бугищ? Лъималаздасанищ байбихьулеб бугеб ришватчилъиялде данде рагъ байги?
Доб, цояз какулеб, цогидаз беццулеб советияб заманалдаги цо классалда вукIунаан лъабго-ункъо отличник, хутIарал - гьоркьохъеб хIалалда цIалулел. Гьанжеги гьединго буго. Амма батIаго гьел «троечниказул» яшав босани, отличниказулалдаса къураб батуларо. Доб мехалда, экзаменазе кумек гьабулеб букIараб батаниги, цогIаги лъабилаб бугев чиясда ракIалдего кколароан вузалде цIализе ине. Гьанже баллал гIуни, бокьараб вузалде унел руго. ЦIакъго рекIекълъизе бачIана цо пуланай эбелалъул каламалъу­хъ гIенеккидалги.
- Яс цIализе абизегIанго лъикIай йикIинчIо, гьединлъидал ракIалде ккана гьелъие педуниверситет гIелин, - абун.
Кинха гьединай цIалдохъаналъе гIурал баллал щварал? Лъай-хъвай яги гIарац бугони, гьебги бицинегIан захIматаб суал батуларо. Нилъеда гIемер рагIулел руго, гьебги санайил, ЕГЭязда кколел къваригIел гьечIел ишазулги.
Халкколелин цIар бугел чагIиги, эксперталги, Москваялдаса гьалбалги тIамизе бокьилан, аскIове щивго къазеги течIого, киса-кибего полициялъулаз цIураб сверухълъиялда, туалеталдегицин жалго риччалареб ахIвал-хIалалда, тIаде видеокамерабиги ритIизарун, ЕГЭ кьезе. Чан чиясухъадай гьеб бажарилаан!?
Киналго лъималазул цого къа­гIидаялда лъай букIунареблъи лъалеб жо буго. Амма, ЕГЭялъул цIарги бахъун, цIияб цIалул сон байбихьаралдаса на­хъе хIинкъизарула лъимал. Гьедин бугеб мехалда лъикIал цIалдохъабазгицин, ичI­го класс лъугIидал, школа рехун тола. Гьаб кинабгоги буго гIемераб бицараб, хIасил кколареб хабар. Кин батаниги, яхIго гьабизе кIолеб гьечIо юцIцIун чIезеги гIун бачIунеб гIелалда аскIоб гьабулеб бугеб рекъечIеб иш бихьидал. Дица абула жалго ЕГЭ ургъаралги, гьелъие материал хIадур гьабулелги - киналго бокьи­лаанин ЕГЭ кьезе тIамизе нилъеда цебе­сан.

Прочитано 162 раз Последнее изменение Четверг, 21 июня 2018 07:05
Другие материалы в этой категории: « Миллаталъул хазина Аралда таманча речIчIани... »
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх