Дагъистаналда — СМИязул форум

 

 

  9-11 декабралда МахIачхъалаялъул «Россия – дир тарих» абураб тарихияб парк-музеялда букIине буго «Тарихазулаб цIияб хIакъикъаталъул заманалда регионалиял СМИ: цебетIеялъул нухал» абураб темаялда рекъон гIуцIараб медиа-форум.

 

    Форум гIуцIулеб буго ДРялъул Инфор­мациялъулгун печаталъул министер­ствоялъ. Гьелда бицине буго тарихазулал технологиязул заманалда регионалиял СМИязда церечIарал аслиял масъалаба­зул хIакъалъулъ.

   Форумалъул къоязда журналиста­зул суалазе жавабал кьезе руго ДРялъул бетIер Сергей Меликовас. Гьедин­го тIоритIизе руго Россиялъул миллияб тIехьалъул тIоцебесеб фестивальги «Тар­киТау» абураб тIахьазул ярмаркаги.

   СМИязул форум байбихьизе буго ичIабилеб декабралда сагIат анцIгоялде бащдаб хIалтIараб мехалда. Гьалбал дандчIвазе руго презентациял гьарулеб зонаялда Дагъистаналъул пачалихъияб филармониялъул квартеталъ рачунел бакъназда гъоркь.

       Форумалда гIахьаллъизе руго республи­каялъул министерствабазулгун ведом­ствабазул вакилзаби гурелги, Россиялъул батIибатIиял идарабазул нухмалъулел­ги. Масала, журналистазде хитIаб гьа­била Россиялъул книгоиздателазул ас­социациялъул президент Константин Чеченевас ва Россиялъул Хъвадарухъа­базул союзалъул председатель Николай Ивановас. ЦIиял харбазул хIакъалъулъ макъалаби хъвалаго, этика цIуниялъул хIакъалъулъ докладгун кIалъазе вуго ТАССалъул генералияв директорасул за­меститель Михаил Калмыков. «Россия жакъа» абураб МИАялъул бетIерав ре­дакторасул заместитель Наталья Лосе­валъ бихьизабизе буго мастеркласс.

  БукIине буго миллиял газетаздагун журналазда хIалтIулел журналиста­зе кумекалъе гIуцIулеб «гургинаб стол­ги». Гьеб нухда бачине буго ДРялъул ин­формациялъулгун печаталъул министр ГIумаргIусман ХIажиевасги ДРялъул Журналистазул союзалъул председатель ГIали Камаловасги. Гьелда гIахьаллъизе руго Журналистазул союзазул председа­телалги миллиял СМИязул редакторза­биги.

Кин хIадурилел федералиял СМИязда берцин рихьулел регионалиял цIиял хар­бал? Гьеб суалалъе жаваб батила ТАС­Салъул бетIерав редакторасул тIоцеесей заместитель Лана Самариналъги ТАС­Салъул регионалияб хъулухъалъул нух­малъулев Андрей Цициновасулги мастер-классазул гIахьалчагIазда.

      «Тарихазулаб хIакъикъаталъул зама­налда СМИязул букIинесеб. Федералияб ва регионалияб аспект» абураб темаялда бахIсал гIуцIизе руго «Интерфаксалъул» Генералияв директорасул заместитель Михаил Кетькол нухмалъиялда гъоркь.