2020 соналъул 15 июналда РФялъул Лъай кьеялъул министерствоялъ къабул гьабураб №726 приказалда рекъон чIезарун руго исана бакалавриаталдеги, специалитеталдеги, магистратураялдеги цIализе лъугьиналъул, гьединго аспирантураялда гIелмиялгун педагогиял хIалтIухъаби хIадур гьариялъул рахъаз хаслъаби.

 

Бакалавриаталдеги специалитеталдеги документал къабул гьаризе руго абитуриентаз ЕГЭ кьелалдего ва пачалихъиял экзаменазул хIасилал лъалелдего. 2020 слналъул 15 иналде вузалъул сайталда лъезе ккола щибаб вузалъ гIуцIулел экзаменазул расписание. 

Абитуриентас жиндирго документазда цадахъ вузалъул электронияб почалде яги «Поступление в вуз онлайн» абураб сервисалъул кумекалдалъун битIизе ккола цIализе восеян абун хъвараб хитIаб. Документал ритIизе бегьула конверталда жанир лъун почалдасанги яги – рес батани – вузалъул хасаб комиссиялдеги вачIун (кодоса кодобе).

Абитуриентасе хIажатал цогидал баяназухъ балагьизе бегьула тIасабищараб вузалъул сайталда. Абизе ккола, улкаялъул хIинкъи гьечIолъи ва рагъулаб оборона цIуниялъул махщелчагIи хIадурулел вузазде цIализе росиялъул буго батIияб къагIида.