FaceBook  in  yt  rss

Гъизляр районалъул Краснооктябрьское росулъ тIобитIана Рахьдал мацIалъул фестиваль

Миллаталъул гъансито

 

Гьеб тадбир нухда бачана Красный Восход росдал школалъул магIарул мацIалъулги адабияталъулги учительница Халисат ГIалиевалъги Дагъистаналъул мустахIикъав артист Къурбан КIулизановасги.

Рахьдал мацIалъул байрамалда гIахьаллъи гьабуна ДРялъул бухьеналъулгун информатизациялъул ва гIаммал коммуникациязул министрасул заместитель МухIамадбег АхIмадовас, Гъизляр районалъул депутатазул собраниялъул нухмалъулев АхIмадпаша Амирилаевас, Краснооктябрьское росдал бегавул ШагIбан СагIидовас, Гъизляр районалъул учительзабазул профсоюзалъул председатель Турсун Имартовас, тохтур АхIмад Саламовас, Гъизилюрталда бугеб ЦОДОУ ЗОЖалъул (ТУОялъул) рахьдал мацIалъул методист Нуцалай Мирзабеговалъ ва цогидалги магIарулаз. Гъизляралъул ракьалда гIумру гьабулел магIарулазухъе гьоболлъухъе рачIун рукIана шагIирзаби СайгидахIмад АхIмаднабиевги Умарагьи СалихIоваги. Щвана гьенире «ХIакъикъаталъул» къокъаги, МагIарул мацIалъул учительзабазул ассоциациялъул нухмалъулей Баху МухIидиноваги, ГТРКялъул магIарул редакциялъул мухбир Хатимат МухIамадоваги.
Фестивалалда жигараб гIахьаллъи гьабуна Гъизляр районалъул киналго школазул магIарул мацIалъул учительзабазги цIалдохъабазги. Гьел мухIканго хIадурлъун ругоан миллияб байрамалде. РетIараб парталги, цокIалго бицунеб магIарул мацIги, сценаялдаса рихьизарулел миллиял хасияталги – киналъго нижее, Краснооктябрьское росдал гьоркьохъеб школалъул гьалбадерие, гьабуна кIудияб асар. Школалъул музеялда къачIан ругоан миллияб маданияталъул нахъраталил бокIналги. Сценаялде иргадал рахъунел рукIана батIи-батIиял школазул цIалдохъаби. Цин кIарчанго кечI ахIун, цинги гIажаибаб гугьаргун гьеб рикIкIун, цингиги кьурдун, лъималаз бихьизабуна магIарул мацIалъул берцинлъиги, гьелда загьир гьабулеб пикруялъул гъварилъиги, маданияталъулъ бессараб халкъалъул бечедаб тарихгун къуватги. БукIинчIо цониги хIужа цIалдохъабазда кочIол мухъ къосун ккеялъул ялъуни гьаракь мекъи бахъиялъул. Хасаб рокьи гьел лъималаздехун гьулчун бачIана гIисинал, амма магIна кIудиял сценкаби хIалеб мехалда! Унго-унгоял, ай театралияб искусствоялъе куцарал артистал кинигин, рагIудалъунги гьурмал сипаталдалъунги, гьаркьил хаслъабаздалъунги гьез бихьизабулеб букIана сценкаялда бицунелъул магIна. Лъималаз рихьизаруна гьанжезаманалъул тIекъал рахъал какулел, миллияб хаслъи цIунизе ккеялъул хIакъалъулъ гъваридал пикраби гъорлъе рачарал гIисиналго спектаклял.
Гъизляралъул ракьалда тIобитIараб Рахьдал мацIалъул фестивалалъул хIакъалъулъ гIатIидго бицина «ХIакъикъаталъул» иргадулаб номералда.
Кавсарат Сулейманова

Прочитано 183 раз Последнее изменение Понедельник, 29 апреля 2019 13:26
Другие материалы в этой категории: « ЕГЭялъул хIасилал ЕГЭ - 2019 »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх