FaceBook  in  yt  rss

Калугаялда батараб талихI

 

2020 соналъул 16 апрелалда Россиялъул президент Владимир Пути­ница гъулбасараб «О награждении государственными наградами РФ» абураб указалда буго: «Присвоить почетное звание „Заслуженный врач Российской Федерации“ Гаджиабакарову Шейхмагомеду Магомедовичу, заместителю главного врача по хирургической помощи государственно­го бюджетного учреждения здравоохранения Калужской области „Ка­лужская областная клиническая больница скорой медицинской помо­щи“ имени К. Н. Шевченко» абун.

Калугаялда батараб талихI

 

 

ШехмухIамад ХIажиабакаров ккола тохтур ва мугIалим. Махса­ра гьабулагоги, велъулеб мехал­даги, хIатта студентазда гьоркьор къецал тIоритIулагоги, гIолохъанал тохтурзабазда гьес малъула ва ри­хьизарула хурургасул балъголъаби. Гьев нечоларо жиндирго гъалатIазул хIакъалъулъ бицине, малъула гьезда­са цIунизе кколеб къагIида.

 

Унго-унголъунги унтаразе гьев кко­ла халкъияв тохтур. Гьев хIалтIулеб больницаялда бугеб «Книга отзывов и предложений» абураб тIехьалда цо унтарас хъван буго гьадин: «Дие опе­рация гьабуна ШехмухIамадил месе­дил квераз», - ян.

 

 

Калуга областалъул медицина­ялъул хехаб кумекалъул больница­ялъул бетIерав тохтурасул замести­тель ШехмухIмад ХIажиабакаровас 2008 соналда цIунараб медицина­ялъул гIелмабазул кандидатасул «Противорецидивная герниопла­стика при паховых грыжах у лиц пожилого и старческого возрас­та» абураб диссертациялъе щавана тIадегIанаб къимат.

 

Ш. ХIажиабакаровасул хъу­лухъалъулаб характеристикаялда хъван буго: «ХIажиабакаров кко­ла тIадегIанаб махщалил, дурусав ва жавабчилъи цIикIкIарав хирург, гьаб заманалъулаб сахгьариялъул ва унти чIезабиялъулаб техноло­гиялъул хIалтIул балъголъи рагIа- ракьанде щун лъалев инсан. Гьев ккола тохтурзабазул насихIатчи. ГIахьаллъула семинаразда, конфе­ренциязда ва съездазда. ГIолохъанал тохтурзабазда гьес абула жиндаго тIад хIалтIулевги, лъай камил гьаби­зе медицинаялъул центраздеги унев гьечIони, мун тохтур гурилан.

 

 

ХIажиабакаров ккола Калуга об­ласталъул медицинаялъул хехаб ку­мекалъул больницаялъул этикияб ва медицинаялъулабгун экономикияб советалъул членги. РакI бацIцIадаб хIалтIуе гIоло гьев мустахIикълъана Калуга областалъул губернаторасул ва сахлъи цIуниялъул министер­ствоялъул шапакъатазе, больница­ялъул администрациялъул грамота­базе», - ян.

 

ШехмухIамад гьавуна 1964 со­налъул 27 маялда МачIада ро­сулъ. Гьесул эмен, мунагьал чура­яв МухIамадица васасдаса бугеб чIухIиги разилъиги бахчичIого, абу­лаан: «ШехмухIамад вуго хIалтIи бокьулев, хIилла-макру гьечIев, гIамал-хасият берцинав, сундулъго нижее кумекалъе хIадурав вас», - ян.

 

 

Гьес тIокIлъиялда лъугIизабуна росдал школа. Биологиялъул ва хи­миялъул предметазда тIасан районал­да тIоритIулел олимпиадабазда гье­сулъ къецбан бажарулев цIалдохъан вукIинчIо. Дагъистаналъул медици­наялъулаб академиялда цIалулагоги, гьев вукIана бищунго лъикIал сту­дентазул кьерда. Сахлъи цIуниялда ХIажиабакаровас росарал бергьен­лъабазул хIакъалъулъ гIемеб хъва­на «Знамя» ва «Вечерняя Калуга» газетазда. Гьев ккола тIадчIун сах- саламатаб гIумру гьабизе кколин абун гIадамазда малъулев ва бихьи­забулев тохтур, «Азбука здоровья» абулел телепередачабазул жигарав гIахьалчи. Гьединго Россиялъул хи­рургазул, гастроэнтерологазул ва геронтологазул жамгIияталъул член.

 

Гьебго заманалда ХIажиабакаров ккола жиндаса мисал босизе мустахIикъав хъизамалъул бетIер. МагIарулазул, хасго гьидерил гIадат- гIамалазул кьучIалда тарбия кьун, лъади ПатIиматида цадахъ гьес гIезавуна кIиго вас: ХIажи ва Ша­мил. Гьел цIалана Москваялъул ВУ­Зазда, спорталъул къецазда чIелал росана. Гьеб гурищ умумузул унго- унгояб талихIги. Нилъ рохаралги чIухIаралги руго бергьенлъиялда цIалулел ва хIалтIулел ракьцояздаса.

 

«ХIакъикъаталъул» коллективалъги баркула Ш. ХIажиабакаровасда «РФялъул мустахIикъав тохтур» абураб тIадегIанаб цIар щвей.

Прочитано 228 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх