FaceBook  in  yt  rss

Коронавирусги къезабун бажарула

Республикаялъул рахунел унтабазул централъул БОКС-отде­ле­ниялъул заведующая, тохтур-инфекционист ТIайгибат Хазамова данд­чIвана регионалиял СМИязул журналисталгун. Гьелъ бицана ко­ронавирусалдаса цIуниялъе Дагъистаналда гьарулел ругел тадбира­зул хIакъалъулъ.

Коронавирусги къезабун бажарула

 

ТI. Хазамовалъ рехсана дунялалда тIадго коронавирусалъ унтаразул баяналгун хIужаби.
- Унтун вуго 93088 чи, хун вуго 3203 чи, сахгьавун вуго 50686 чи. Жакъа къоялде я Россиялда, я Дагъистаналда гьеб тайпаялъул гриппалъ унтиялъул цониги хIужа ккечIо. Гьебго заманалда, Азербайжаналъул гIорхъода Дагъистаналдаса чиясул чорхолъ вирус батун буго, сахлъизегIан гьев хутIизе вуго мадугьалихъ бугеб улкаялда, - ян бицана гьелъ.
Тохтуралъ абуна, коронавиру­салъул унти багъарани, унтарал къабул гьаризе республика хIа­дурго бугинги. Гьелъие гIо­ло ме­ди­цинаялъул идарабазда чIе­зарун ругила киналго шартIал ва койкаби, къваригIани гьезул къа­дар цIикIкIинабизеги бугила. Гьаб­са­гIаталда гьединаб госпиталь гIуцIун буго республикаялъул рахунел унтабазул централъул базаялда.
Гьенибго тохтуралъ малъана гриппалъул тIоцересел гIаламатал тIатарабго, нилъго нилъецаго сахгьаризеян лъугьинчIого, специалистазухъе хитIаб гьабизе кколин. Гьелъ абуна, кIиго сагIаталда жаниб цо нухалъниги кверал чурейин ва вирусал чIвалел жалаздаса пайда босейин. Тохтуралъул рагIабазда рекъон, коронавирусалъ тIоцебесеб иргаялда унтулел руго иммунитет загIипал гIадамал: лъабкъойилъа тIаде арал, батIи-батIиял унтабаз кIвекIулел, сакъатал чагIи.
Данделъиялда борхана медицинаялъулал маскабазул хIакъалъулъ суалги. Тохтуралъ малъана, рес букIаго, кIиго-лъабго сагIаталдаса цIикIкIараб заманалъ цого маскаялдаса пайда босугеян. Маскабазул къварилъи бугони, щиб гьабизе кколебин абун журналистаз суал кьедал, гьелъ абуна маскаби ни­лъецагоги гьаризе бегьулин.
Тадбиралъул ахиралда киназего рикьана коронавирусалъул хIа­къалъулъ баян кьолел буклетал, ва ТIайгибат Хазамовалъ журналистазул суалазе жавабалги кьуна. Масала, цо журналистас цIехана гьадин:
- ТIайгибат, коронавирусалдаса цIуниялъе кинаб цIодорлъи гьабеян дуца малъилеб?
- ГIемерал гIадамал данделъарал тадбиразде унге, гурони ча­ра гьечIого ине кколел ругони, мас­каби рай. Гьединго малъила ма­гIазукъалазда вирусал хвезарулел хасал мазал рахеянги.
- Республикаялда ругищ гьеб унтиялда данде къеркьон бажарулел тохтурзаби-специалистал?
- Нилъер руго лъикIал инфекционистал, гьеб гуребги, республикаялда тIоритIула коронавирусгун къеркьезе ругьунлъиялъул тадбирал. Гьел тIоритIана Гъарабудагъкенталда, Гъаякенталда, Буйнакскиялда, Дербенталда, Каспийскиялда. Къокъго абуни, нилъер тохтурзаби коронавирусгун къеркьезе хIадурго руго.
- Абулеб буго, коронавирус гье­дигIанго хIинкъизе ккараб унти гурин. Дуца щиб абилеб?
- БитIараб буго, лъугьун бугеб хIакъикъаталдаса ахIи-хIур, хасго СМИялъ гIадамал хIинкъизари гIорхъолъа араб хIалалда буго. Амма, бихьулеб буго, гьелъ унтарал чагIи холел рукIинги. Гьебго заманалда, жакъа нилъеца бицунеб бугеб коронавирусалъулъ буго ункъо батIияб тайпаялъул гриппалъул вирусазул къуват, гьединлъидал цIакъ захIмат буго гьелде данде къеркьезе, жеги бахъун гьечIо гьелдаса бергьунеб дару. Гьединлъидал щивасда тIадаб буго тохтурзабаз малъараб гьабизе, вирусалдаса цIуниялъе цIодорлъиялда рукIине.

Прочитано 30 раз
Теги
Другие материалы в этой категории: « Ракалдаса бергьарай

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх