FaceBook  in  yt  rss

11

ГIемер лъил ругел?

ГIемер лъил ругел?


Россиялъул регионазда гьоркьоб гьекъолдиялъул рахъалъ
цебесеб бакI ккуна Магадан областалъ

«Трезвая Россия» абураб федералияб проекталъул экспертаз гIуцIана Россиялъул гьекъолдулелги гьекъолдуларелги регионазул рейтинг. Гьеб хIадурулаго, хIисабалде босана гьекъолдиялъул кьучIалда хваралги, «алкоголизм» ва «алкоголияб психоз» абурал диагнозалгун медицинаялъул идарабазул сияхIалде росаралги, мехтун рукIаго, такъсирал гьаруралги, низам хвезабуралги гIадамазул къадарги, тукабаздаса гIаракъиги, коньякги, чогърол батIи-батIиял тайпабиги, пивоги, спирт гъорлъ бугел цогидалги гьекъолел жалги ричиялъул хIужабиги.
Экспертазул цIех-рехазда рекъон, 2017 соналда мехтизарулел жалалгун «гьудуллъи гьечIел» регионаллъун ккола Чачан Республикаги, Ингушетияги, Дагъистанги. Гьезда хадур руго Гъарачай-Чергесияги, Белгород ва Ростов областалги, Ставрополь крайги, Астрахань областьги.
Мехтизарулел жалазде «цIикIкIараб рокьи» бугел регионаллъун ккола: Магадан областьги, Ненец автономияб округги, Бурятияги. Гьекъолдухъаби гIемераб 10 регионалда гъорлъе ккана Чукоткаги, Пермь крайги, Нижегород областьги.
Июнь моцIалда Роспотребнадзоралъги хIадурун букIана гьединабго рейтинг. Гьез хIисабалде босун букIана улкаялда спирт гъорлъ бугел жал ричиялъул баянал. Ведомствоялъул баяназда рекъон, бищун дагьаб къадаралда мехтизарулел жал росун руго Северияб Кавказалъул республикабазда: Ингушетиялдаги Чачаналдаги – рухI рикIкIун, цо литр, Кабардино-Балкариялда – 0,5 л, Северияб Осетиялда – 0,6 л. Церехъабазул кьерда руго Магадан область (бацIцIадаб спирталъул 14,1 л цо рухIалъе). Гьелда хадур руго Москваги Сахалин областьги.

 

Россиялъул югалъе пайда букIина
Гьуърузул унтабаздаса сахгьариялъул центр рагьизе буго

2018 соналъул ахиралде Кас­пийскалда, РАНалъул «ГIелму» пан­сионаталъу­л кьучIалда рагьизе буго гьуърузул унтабазул реа­би­литациялъул центр. Гьеб бала­го, дандчIвалел масъалабазул хIакъа­лъулъ бицана хасаб данделъиялда. Дагъистаналде вачIун вукIана РФ­ялъул ГIелмиял идарабазул федералияб агентствоялъул (ФАНО) нухмалъулесул заместитель Александр Степанов. ЦIибалеб централде рачIине руго СКФОялдасаги ЮФОялдасаги гIадамал.
Александр Степановги, ДРялъул хIукуматалъул председателасул заместителасул ишал тIуралев Анатолий Карибовги, ДРялъул сахлъицIуниялъул министрасул ишал тIуралев Танка Ибрагьимовги щвана пансионаталде, ва гьез халгьабуна гьелъул рукъзабазулги сверухълъиялъулги.
Пансионаталда лъезе буго унтарал сахлъизаризе рес кьолел аппараталги гIуцIизе руго гIемер заманалъ пациентал рукIине санагIатал шартIалги. Гьел суалал дандразе гIагараб заманалда республикаялде рачIине руго ФАНОялъу­л хIалтIухъаби.
Танка Ибрагьимовас баркала кьуна ФАНОялъул вакилзабазе кIу­дияб кIваралъул гьеб объект базе Дагъистан тIасабищаралъухъ. Регионалъе пайдаяблъун рикIкIунеб буго гьеб проект. Пансионаталда рагьулеб централда сахгьаризе ру­го туберкулез хутIизегIан, гьуърузул киналго унтабаздаса. Туберку­лезалъ унтаразе рагьизе руго Ту­беркулезалъул диспансералда ха­сал кабинетал. Гьениб лъезе бу­го гьанжезаманалъул медициная­лъул алаталги.

 

Прочитано 182 раз Последнее изменение Пятница, 01 декабря 2017 07:15
Другие материалы в этой категории: « ГьоцIо даруйищ яги… Хамиз – «хехаб кумек» »
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх