Гьаб суалалъе жаваб кьуна ДРялъул ЗахIматалъул ва социалияб рахъалъ цIуниялъул министерствоялъул хIалтIухъан Идрис МухIамадовас:
— 2020 соналъул 30 октябралда къабул гьабураб РФялъул хIукуматалъул № 1762 хIукмуялда хъван буго коронавирусалъ унтаралгун хIалтIулел медицинаялъул хIалтIухъабазе гIарац (выплата) кьеялъул цIияб къагIида. Гьелда рекъон, 2020 соналъул тIоцебесеб ноябралдаса 2021 соналъул 31 декабралде щвезегIан медиказе тIаде гIарац кьеялъул ва гьелъул хIисаб гьабиялъул низам хисизабуна: гIарцул къадар бараб букIуна медикасул хъулухъалда, ай цо сменаялда гьес гьабулеб хIалтIуда; ФССалъул реестралде кьуралдаса анкьго къоялдаса кватIичIого гьеб гIарац бачIуна медикасул карточкаялде. Гьединго, тIоцебесеб декабралдаса нахъе «Госуслуги» порталалъул кабинеталдасан медикасда лъазабизе буго гьесул карточкаялде гIарац реханин.
2020 соналъул ноябралдаса байбихьун ДРялъул хIукуматалъ чIезаруна коронавирусалъ унтаралгун цо сменаялда хIалтIун медиказе тIаде кьолеб гIарцул гьадинал роценал:
• больницабазул тохтурзабазе — 3880 гъурущ;
• больницабазул гьоркьохъеб персоналалъе — 2430 гъурущ;
• больницабазул гьитIинаб персоналалъе — 1215 гъурущ;
• амбулаториязул тохтурзабазе — 2430 гъурущ;
• амбулаториязул гьоркьохъеб персоналалъе — 1215 гъурущ;
• амбулаториязул гIисинаб персоналалъе — 600 гъурущ;
• паталогоанатомикиял бюроязул хIалтIухъабазе — 2430 гъурущ;
• «хехаб кумекалъул» тохтурзабазе — 2430 гъурущ;
• «хехаб кумекалъул» гьоркьохъеб персоналалъе — 1215 гъурущ;
• «хехаб кумекалъул» гIисинаб персоналалъе — 950 гъурущ;
• «хехаб кумекалъул» ахIи къабул гьабулел фельдшеразе — 600 гъурущ;
• «хехаб кумекалъул» бригадабазул машинабазул водителазе — 1215 гъурущ.