FaceBook  in  yt  rss

Афгъаналъул рагъухъаби  ракIалдещвеялъе

Афгъанистаналъул ракьалдаса советиял аскарал нахъе рачаралдаса 31 сон тIубаялда хурхараб тадбир букIана араб рузман къоялъ Авартеатралда.

Афгъаналъул рагъухъаби  ракIалдещвеялъе

«Афгъанистан – дир рекIел унти» абураб цIаралда гъоркь Авартеатралъгун Расул ХIамзатовасул цIаралда бугеб Хал­­къазда гьоркьосеб жамгIияб фон­далъ цадахъ гIуцIараб гьеб тад­биралда гIахьаллъана Дагъистаналъул министерствабазул, жамгIиял гIуцIабазул вакилзаби, МахIачхъалаялъул рагъулабгун ралъдал училищеялъул курсантал, кадетазул корпусалда цIалулел васал, школазул цIалдохъаби. Бищунго хIурматиял гьалбаллъун гьенир рукIана Афгъана­лъул кьалул бухIи лъарал рагъул гIахьалчагIи.
Афгъаналъул рагъ ракIалде­щолел суратаздалъун къачIараб театралъул жанахIалъуб гьалбадерие бихьизабуна рагъулаб тематикаялда гIуцIараб гIатIидаб музыкалияб программа. Гьелда гIахьаллъана ТIагьир Къурачев ва Марат Тимохин гIадал машгьурал кочIохъаби.
Рагъдаса руссинчIел ракIалде щвезарун, тIадруссаразул хIур­маталда каламгун, тадбир гIуцIаразе баркала кьун кIа­лъаял гьаруна ДРялъул Ветераназул советалъул нухмалъулев МухIарам ГIалижановас, Дагъистаналъул руччабазул гIуцIиялъул председатель Интизар Мамутаевалъ, Дагъистаналъул рагъулаб комиссариаталъул, республикаялъул ва МахIачхъалаялъул Афгъаналъул ветераназул гIуцIиялъул вакилзабаз.
Афгъаналъул рагъухъабазул хIурматалда тIобитIулеб тадбир баркун батIи-батIиял идарабаздаса, СНГялъул республикабаздаса рачIарал баркиялъул кагътал цIалана жиндирго кIалъаялдаса хадуб Авартеатралъул директор МухIамадрасул МухIамад­ра­су­ло­вас.
Ахиралдаги, тадбир гIуцIа­раз Афгъаналъул рагъу­л гIахьал­чагIазе кьуна ракIалде­щвея­лъул сайгъаталги.

Прочитано 58 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх