FaceBook  in  yt  rss

Балеб ахIи буго мацI цIунейилан...

МагIарулазул гIаммаб данделъи бугин рагIигун гьенибе ракI гIедегIулеб батила миллат бокьулезул. Амма цIакъго цIикIкIун гьечIищ мацI цIунеян ахIулел, холеб бугин зигардулел, щиб бицунги чIоларел.
Бухари тIагъур лъун, чухъа ретIун, гормендо-чохтIоялъ гьурмал гургин гьарун рахъулел руго суратал, малъа­рун кIалъалел руго данделъабазда. ГIицIго гьел суратал гурони цогидаб лъалкI рекIелъ, ракьалда толарезда хIалкъала цо-цо.

Балеб ахIи буго мацI цIунейилан...

КIудияб ахIи-хIуралда жалгоги рихьизарун, кьибил щулалъуларел, гIаркьалаби цIилъуларел, ишал гьарулезда гьереси-патриотазул рихьдае хIай абун гуреб, цоги щиб цIарха лъелеб? Дун магIарулав вугин цеве вахъун магIарул мацIалда щуго рагIи дандбан бажаруларесе гьелъул бицун щай? Рахъунелго щай халкъалда цере гьороца хъамун унеб тIамах гIадаб хабаргун?
МацI цIунеян трибунаялде рахунел, Шамилил цIарги байрахъалъе ккун кIалъалел, магIуялъ лъалъанищ нужер гьурмал ХIамзаевасул «Имам Шамил» цIалун, сороданищ ракI СагIид-афандиясул назмабаз, ма­лъияз, суалазе жавабаз? Намуслъун ба­гIарлъанищ АхIмад-хIажил «ЛъикIал тIабигIатазул ах» мажмугIалде къулун? Кинал тIахьал ругел нужер столалда тIад къойил рагьулел? Бугищ Расулил «Дир Дагъистан», халкъалъул гIакъиллъи жанибе бачарал "Кицаби ва Абиял", "Аварагасул хIадисал"? ЦIалулищ нужерго районалъул казият, ракьцоял-хъвадарухъабазул асарал, рагьулищ щибаб анкьалъ «ХIакъикъат», «Ас-салам»? Росулищ гьениса дарсал? Бицунищ гьелъул гьудулзабазул горсверулъ, хъизан-лъималазе рокъоб, годекIаниб? Мех-мехалъниги нужер ракI цIалищ «Гьудуллъи», «МагIарулай», «Лачен» журналазде. Гьаб тIадехун рехсанщинаб щибаб рокъоб цIалани, «мацI цIуне» абун ахIи базего ккелароан? Лъалищ цIиял гьунаразул цIар. Сурукъ рихьулищ гьалаглъиялъ чангит тIун араб гIищкъу халкъалъе гьуршун кучIдул хъвалел, ахIулел руччаби? РекIее пахрулъи кьолеб, щайтIан бохулеб ишалда лъеладай баракат? Кинаб мацIалда нуж Аллагьасде руссунел, какда хадуб хваразе дугIа гьабулеб?
Нуж ццидаххунге, хириял цIал­до­лел, гьал мухъалги цIалун. Цин - щай­тIаналъухъан, адабгун намус - Аллагьасухъан букIин малъулеб бугелъул нилъеда.
БетIергьанас къуват кьеги ритIухъаб рагIул хвалчен лъикIал ишазе хIал­тIизабизе.

Прочитано 61 раз
Другие материалы в этой категории: « МагIарул Лиза ГIакълуялъул ралъад »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх