FaceBook  in  yt  rss

Коронавирус

Гьаб щиб квешаб хабар, коронавирус,
Вирус гъорлъе ккаяз ургъараб хӀилла!

Коронавирус

ХIамузда, гьаказда, «маххул чуязда»,
ЦӀунцӀрабаца гӀадин баччулеб нигӀмат.

Ханжу-квараялъул, чакар-цIамалъул
Нахърател гьабуни, гьанирищ толел?
Картошка, капуста тоннабаз босун,
Ихдалил къояца кин гьеб цӀунилеб?

Макарон, бугIа, ролъ лъагӀалий гӀураб,
НацӀ бангӀаги холин хиял кколарищ?
Шампуналгун сапнал - сундуе запас,
Чурун тӀом ччукӀизе тIадищ босараб?

Запасал гьаризе санагIат ккечIел,
Метер квен тӀагӀани, кире тIурилел?
Мискин-пакъирасе бикьа-къотIичIеб,
МахIшаралда нужер щокъроб къаларищ?

ГӀанхрил гӀамал бугеб, гӀорцӀулареб къавм,
Къиямасеб къоялъ киндай букӀинеб?
Цоцазул гьан квине хӀадуралщиназ,
ХӀисаб кьолеб мехалъ щибдай гьабилеб?

Аллагьас дуй кьурал къоял тӀагӀани,
Къуват букIинадай хвел нахъе чӀвалеб?
ГӀизраил малаик къаданив щвани,
Щиб багьана батун чIаго хутIилев?

Кинабго тӀощалил запас гьабуни,
Гьанирго телилан божийищ лъураб?!
Багьаби тӀаде чӀван щвараб гӀарацищ,
Ришваталъе кьелеб дунял бокьараз?

Нужей гIумру кьеял, яцалгун вацал,
Чахьал цӀезаризе нуж гӀедегӀуге!
ГIодор бутIрул къулун, цере кверал ккун,
ХӀеле ракI-ракIалъго, Бичасде хьулгун.

Какда хадуб гьаре, гьабун дугӀагун,
ГӀакълу кьейин абун бищунго цебе!
Аллагьасе щукру, рецц гьабун чӀезе,
РекӀей иман гьаре ТӀадегӀанасда!

Вирусалъ къо тӀагӀун хвезе ратани,
Цадахъ босулелъул ургъел гьабичӀищ?
Антивирус бугин гьелъий садакъа,
Гьедин гьеб «корона» кин нахъ чӀвалареб?!

Нилъер хIал бихьизе тӀаде тӀамураб,
Къо хӀехьечӀонани, ццин бахъинарищ?
Бихьараб хӀехьезе сабруги гьарун,
ГӀодоре руссани, лъикӀ букӀинарищ?

Дицани абила – АлхӀамдулиЛлагь,
Рецц дуе БетӀергьан, я РахӀимуЛлагь!
Къисматалъ хъваралда, дуца кьуралда,
Дун разияй йиго, хирияв Аллагь!

Прочитано 212 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх