Ясаз васал толел гьечIилан тел бачIун буго «Бахьикъосалде» МичIчIикIкIалахъ росдал семилеткаялдаса.

 

Суал:
— БитIахъе ахир заман рещтIун буго, ваккун вас толев гьечIо ясаз. Щиб дарман гьабилеб, хIалкIолев Аллагь? — илан гьикъулеб буго Магал эбел Гуляца.
Жаваб:
Ясаз васал толареб
Тамашаяб замана-
Интернет – тушман къайин
Тел битIе ТIад вугесухъ
ТIокIаб выход гьечIоха, хирияй Гуля. Иначе, гуляй, Васяйинги абун, ина дур вас ясаз по рукам.

Суал:
ГIемерал рос-лъади ратIалъулел руго ахираб заманалда. Щиб гIилла гьелъие, нужер пикруялда?
Жаваб:
Хъизаналда гьоркьоб кьватIел ккеялъе
Кьури гьечIеб буго цохIого гIилла:
ЧIужуялъулъ буго чIужулъи бергьун,
Росасулъ ссун буго сонисеб рослъи.
Карочи, эбелхвадазул гьава цIикIкIун буго, эмехвадазул — цIан гIодобе ккун буго.

ЭБЕЛАБ СУАЛ:
Дир чIужу лъимаде йикIун 13-абилеб моцI буго.
Лъил гIайиб гьеб — тохтурзабазулищ, дирищ, дунялалда бугеб атмосфераялъулищ?

ЭБЕЛАБ ЖАВАБ:
ЧIужу лъимаде йикIун,
Лъабго сон балеб буго,
Лъимер бачIунеб гьечIо…
Бакъараб улкаялде.
Рес букIарабани, цо бакI нижецагоги балагьилаан рахча-хьван чIезе. Пайда щиб, гьединаб бакI гьео…ургьиб гурони.