FaceBook  in  yt  rss

11

ГIолилазул хIаракат

ХицIиб майданалде гьабураб сапар

 

ГIумру-магIишаталде, буголъиялде балагьун кьола цо-цояз гIадамазе къимат, гьелдалъун борцуна чилъиялъул даража. Сверухъ ругел гIадамазул ургъелги кIварги гьабулев, гIага-божарал, росуцоял, миллатцоял рокьулев, гьединго умумузул, росдал, ВатIаналъул тарихги, гIадат-гIамалги, хасиятги, яхI-намусги лъалев ва гьелда рекъон хIалтIулев инсан жакъа къанагIат гурого гьечIо. Гьаб заманалда гьединал чагIи хIажатги руго нилъер халкъалъеги миллаталъеги. Гьединавлъун рикIкIине мустахIикъав вуго Шамил районалъул Гъогъолъ росулъ гIурав Гъуниб районалъул КIуядаса (Чарахъа) ГIабдайил МухIамадил АхIмадил вас МухIамадхIабибги.
Гьал къоязда, ай 20 июналдаса гьесул хIаракатчилъиялъул ва цевехъанлъиялъул хIасилалда «МагIарул чотIахъаби» гIуцIиялъ МахIачхъалаялдаса сапар бухьана сугъулдерил ХицIиб майданалде щвезегIан. Надир-шагь щущахъ виххизавиялъул хIурматалда тIобитIараб гьеб иргадулаб (гъоркьиса чотIахъаби МахIачхъалаялдаса ун рукIана Гъуниб магIарде щвезегIан) тадбиралъул мурад букIана гIун бачIунеб гIелалъулъ миллияб яхI-намусги гIадат-гIамалги куцай, гьеб билизе биччачIого, цIидасан тIадбуссинаби.
22 июналда 50-гIанасев чотIахъан рещтIана ХицIиб майданалда. Умумузул къагIидаялда ретIа-къарал чотIахъаби Сугъралъ росдал жамагIаталъ къабул гьаруна бахIарзал кинигин. Гьеб къоялъ ХицIиб майданалда букIараб дандчIвай байрамалде сверанин абуни, мекъиги ккеларо.
Муслим ГIабдулаев

Прочитано 183 раз Последнее изменение Четверг, 05 июля 2018 07:45
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх