FaceBook  in  yt  rss

Терек – гьалагаб гIор

ДРялъул вице-премьер ГIабдул-муслим ГIабдулмуслимовас тIоби-тIараб данделъиялда бицана ихдал гIорал щвеялъул хIасилалда зарал ккунгутIиялъул мурадалда гIуцIизе кколел тадбиразулги 2019 соналда гьеб рахъалъ гьабураб хIалтIул хIасилазулги хIакъалъулъ.

Терек – гьалагаб гIор

ГIорал щвеялдалъун зарал кколел Россиялъул регионазда гьоркьоб Дагъистан буго анцIабилеб бакIалда. Бищунго хIинкъи цIикIкIараблъун рикIкIуна Терек гIор. Гьеб рагIаллъабаздаса къватIибе кIанцIани, зарал ккезе бегьула Бабаюртги Гъизлярги районазда гIумру гьабулев 20 азарго чиясе.
ГIабдулмуслим ГIабдулмуслимо-вас ракIалде щвезабуна 2002 сон. Гьеб мехалда гьалаглъараб Терека-лъул балагьалдалъун республикаялъе гьабуна кIигогун бащдаб миллиард гъурщил зарал. Исана гьеб ва Самур, Аксай, Курах, Уллучай, Ахъташ ва цогидалги гIоразул балагьалдаса цIуниялъул мурадалда гьабураб хIалтIул хIакъалъулъги бицана вице-премьерас.
2020 соналда гьаризехъин ругел ишазул хIакъалъулъ бицана ДРялъул тIабигIиял сурсатазулгун экологиялъул министр Набиюла Гъарачаевас. Гьес абуна Терек гIоралъул тIинуялда хадуб халкквей букIинабизе кколинги.
Исана тIатана хIинкъи бугеб 20 бакI: 18 – Терекалда ва кIиго – Сулахъалда. Гьелде тIадеги, дагьалъ цебе халгьабураб мехалда, жагъаллъун батана жеги 23 бакI.
ХIинкъи цIикIкIарал гIоразда гьоркьобе уна Самурги. 2018 соналда гьелъ зарал гьабун бук1ана Ахти районалда бугеб къогониги минаялъеги газалъул мухъалъеги. 2020 соналда гьелъул рагIаллъаби щулалъизариялъе тадбирал гьаризе ругин бицана министрас. Гьединабго хIалтIи гьабизе буго Аксай гIоралдаги.
ГIор щвеялдалъун зарал ккезе бегьулел росабазул хIакъалъулъги бицана данделъиялда. Гьединазда гьоркьор рехсана Кьорош (ЧIарада район) ва Шагьикь (ЦIунтIа район) росабиги.
ДРялъул бетIерасулги ДРялъул хIукуматалъулги администрациялъул пресс-хъулухъ

Прочитано 66 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх