Республикаялда базе буго «Дагмясо» абураб цIияб гьанал комбинат.
ДРялъул хIукуматалъул нухмалъулев ГIабдулмуслим ГIабдулмуслимовасул хасаб бербалагьиялда гъоркь, «Дагагролизинг» АОгун цадахъ рагIалде бахъинабулеб цIияб проект ккола гьеб.
Гьанал комбинат базе тIаса бищун буго Гъизилюрт районалъул КIулзеб росдал ракь. Гьеб базе гIарац биччазе буго республикаялъул бюджеталдаса, гьединго инвесторалги ахIизе руго хIалае.
«Дагмясо» абураб жиндирго хасаб брендгун комбинаталда къватIибе биччазе буго цIорозабураб ва цIер къараб гIиял ва чIегIербоцIул гьан, хIадур гьаризе руго цIурабакьал, гьанал консер- вал, хIатта кутузегун гьабзазе ха- саб квенцин. Гьединго комбина- талда букIине буго гIиял ва боцIул цIоко-къехь къачIалеб хасаб цехги. Къокъго абуни, бечедаб, кинабго рахъалъ цебетIураб гьанал комби- нат базе ракIалда буго.
