ДРялда коронавирус тIибитIизе биччангутIиялъул оперативияб штабалъул баяназда рекъон, 29 марталда коронавирусалъ унтана 55 чи. Гьезда гьоркьоса 19 чи больницаялда вегизавуна. 29 марталда сахлъана 202 чи. ТалихIалъ, ахирисел къоязда коронавирусалдалъун щивго хвечIо. Дагъистаналда вакцина гьабун буго 1 260 659 чияс.
Республикаялда COVID-19 тIибитIиялда бан лъазарун рукIарал цо-цо гIурхъичIваялъул тадбираз- даса дагь-дагьккун инкар гьабулеб буго. Гьелъие гIиллаги ккола респу- бликаялда коронавирусалъ унтаразул къадар дагьлъулеб букIин.
Гьелда рекъон, банкетазул залазе, лъималазул клубазе, кафеязе, рестораназе рес щвана гIадатияб къагIидаялда хIалтIизе. Театразде, кинотеатразде, тукабазде ва халкъалъе батIи-батIиял хъулухъал гьарулел цогидалги жамгIиял бакIазде унелъул QR-код тIалаб гьабуларо гьанже.
COVID-19 тIибитIиларедухъ жамгIиял бакIазда гIемер гIадамал ракIаризе гьукъиялъги, маскаби ретIиялъул низам цIуниялъги ва коронавирусалде данде вакцина гьабиялъги нахъе къазабунин коро- навирус унтиян абулеб буго сахлъи цIуниялъул идарабазул вакилзабаз. Гьанжеги, цо-цо низамаздаса инкар гьабунин абун, коронавирус тIубанго нилъер гIумруялъулъа нахъе ун гьечIо, гьединлъидал гьоркьоб къотIизе толеб гьечIо халкъалъе вакцина гьабиялъул иш. ЖамгIиял бакIазда дезинфекция гьабиялъул ва маскаби раялъул низамги цIунизе кколин лъазабулеб буго Роспотребнадзоралъги.
Коронавирус тIибитIиялъул рахъалъ республикаялда бугеб эпидемиологияб ахIвал-хIалалъул хIисабги гьабун, Роспотребнадзоралъ хиса-басиял гьаруна лъай кьеялъул идарабазда коронавирусалдаса цIуниялъул рахъалъ гьабулеб хIалтIулъ.
Щибаб класс цого кабинеталда цIалиялъул низам хисана.
— ЦIалдохъабазда гьоркьоб аттестация тIобитIулелъул, гьоркьоб 1,5 метралдаса дагь бакI тунгутIиги, цо партаялда нахъа цо лъимер гIодов чIезавиялъул къагIидаги хисана.
— COVID-19 унтарасда аскIов вукIарав цIалдохъан школалде къабул гьавулелъул гьанже меди- цинаялъулаб гIуцIиялдаса справка тIалаб гьабулеб гьечIо. Живго цIалдохъан унтун хадуса, гьелъул хIакъалъулъ справка тIалаб гьабулебги буго, цебего гIадин.
— Гьединго хисана цо школалда гIемерал лъимал дандчIваларедухъ, батIи-батIияб заманаялъ дарсал байбихьулеб ва лъугIизарулеб къагIидаги.
— Рагьарал бакIазда цIалдохъабазе ва гIолилазе тадбирал тIоритIизеги ихтияр буго гьанже.
— Риидал сахлъи щула гьабиялъул идарабазде рес бугебгIан къадарал- да лъимал къабул гьаризе бегьула.
— Лъималазул сахлъи щула гьабиялъул риидал хIалтIулел идарабазул хIалтIухъабаз щибаб анкьида жаниб коронавирус унти бугищали тестирование гьабизе кколаро. Гьебго заманалда, щибаб смена къабул гьабулелъул, COVID-19 вирус бугищали хал гьабула хIалтIухъабазул.
Цо-цо низамал хисаниги, чара гьечIого эпидемиялде данде тадбиралги тIоритIизе кколел руго. Лъимал цIалулеб яги хIухьбахъулеб идара рагьилалде цебе рагIа-ракьанде щун, дезинфекциялъул алатал хIалтIизарун бацIцIад гьабула, гордал ва нуцIби рагьун бацIцIадаб гьава жанибе биччала, квен гьабулел ва цогидал хIалтIухъабаз маскаби ххезе тIадаб буго.
