Республикаялъул хIукуматалъул нухмалъиялъ гьал къоязда гьоркьоб лъун букIана гьанал комбинат баялъул суал. Гьелъие тIаса бищун буго Гъизилюрт районалда бугеб кIиго участок.

Дагъистаналда гIезабураб гьанал къимат буго улкаялъул цогидал регионаздаги. Гьединлъидалги гIадамазе хIалтIизе бакIал чIезаризелъунги нилъее чара гьечIого хIажат бугин гьединаб комбинатилан абуна премьерминистр ГIабдулмуслим ГIабдулмуслимовас.

 

  Гьебги букIине буго цо смена- ялда жаниб чIегIерхIайваналъул 50 ва гIи-цIцIаназул 700 бетIералъул гьан хIадуризе бажарулеб къува- талъул комбинат. Гьенир рукIине руго хIайванал хъолеб, гьезул гьан бацIцIад гьабун къачIалеб, гьеб хIадурулеб цехги, гьанал консервалгун бакьал гьарулеб, тIомал къачIалеб цехалги.