«Меседил цIум-2021»

 

28 декабралда МахIачхъалаялда тIобитIана журналистазул «Меседил цIум» абураб премия кьеялъул тадбир.

                                                    

Журналистазда ЦIияб сонги баркун, ДРялъул Журналистазул союзалъул председатель ГIали Камаловас киназего лъикIабщинаб гьарана. Гьелдаса хадуб кьуна «Россиялъул Журналистазул союзалъул къадруя лъул гIаламатал». Гьезие исана мустахIикълъана «Дагъистан» ГТРКялъул директор Луиза ГIалихановаги, гьебго компаниялъул хIалтIухъан Байзат ГIабдусамедоваги, «Будни района» абураб газеталъул бетIерав редактор Асадулла ХIажиевги, «Дагъистан» ГТРКялъул директоралъул заместитель Салам Хавчаевги, журналист Хамис Шамиловаги, «Будни района» газеталъул бетIерав редакторасул заместитель Шигьав Каирбековги.

Кьуна РФялъул Журналистазул союзалъул хIурматалъул грамотабиги: «Дагъистан» РГВКялъул генералияв директорасул заместитель ГIайша ХIусеновалъеги, гьелъулго художествияб вещаниялъул директор Зарипат ЯхIяевалъеги, мухбир ПатIимат Бурзиевалъеги; «Ёлдаш» газеталъул бетIерав редакторасул заместитель ГIабдулгъапур Салимурзаевасеги, «Дагъистаналъул чIужугIадан» журналалъул бетIерай редактор Наида Керимовалъе ва жавабияй секретарь Ажа ГIабдурахIмановалъе; «ХIакъикъаталъул» отделалъул редактор Кавсарат Сулеймановалъеги, «Замана» газеталъул маданияталъул отделалъул редактор ПатIимат Къурбановалъеги, «Нур» газеталъул мухбир Наргиз ХIамзаевалъеги; «Дагъистан» ГТРКялъул хасай мухбир Хатима Нисредовалъеги, миллияб вещаниялъул мухбирзаби Луиза Бицимазаевалъегун Салимат ГюлмухIамадовалъе.

Гьоркьор течIо «Орленок Дагестана» газеталъул мухбирзабиги. ХIурматалъул грамота кьуна Мераб Харбедиае, Садия Абутаевалъе ва Ражаб ХIасбулатовасе. «Меседил цIумалъул» лауреаталлъун рахъана: СагIид Ниналалов, Фериде ГIалипулатова, СалихIат МухIамадова, Наира Рамазанова ва «Нур» газета.

Баркула ишцоязда шапакъатал.