FaceBook  tg  in  yt  rss

Чанахъабиги ччугIихъабиги  ццидахун руго

 

    Нилъер республикаялда буго чанахъабазулгун ччугIихъабазул жамгIияб цолъи. Гьеб цолъиялде гьоркьоре унезда ракIалда буго МахIачхъалаялъул аслияб майда­налде рахъине. Гьелъие бугеб гIиллаги ккола чан гьабизе ва ччугIа кквезе гьезул къай­имлъиялда рукIарал ракьал республикаялъул ТIабигIиял сурсатазул ва экологиялъул министерствоялъухъе кьей.

    ГIаммаб куцалда гьединал ракьазул 716 гектар буго ре­спубликаялда. Гьениб буго ча­нахъаби хьвадулеб 29 батIияб ракь, къокъго абуни, чан гьаби­зе ва ччугIа кквезе гьел хьваду­леб бакI. 1945 соналдаса нахъе гьезул ихтияралда рукIун руго гьел ракьалги. Исана 1 сентя­бралда лъугIун буго ижараялъе гьел хIалтIизаризе чIезабун букIараб болжал.

     Жидее бокьун букIанин гьеб болжал халатбахъинабизе, лъабго моцIалъ цебе докумен­талги хIадурун рукIанин бица­на чанахъабазгун ччугIихъабаз. Амма инкар гьабун буго. Гьел­да ракI рекъечIого судалде­ги ун руго гьел. Гьанже гьез къотIараб хIукмуялда бараб букIинаха кинабго.

    Рехсараб министерствоялда ракIалда батулин гьел ракьал хасал чагIазул бетIергьанлъиялде кьезеян рикIкIунеб буго чанахъабазул жамгIияталъул цевехъан Алек­сандр Гаркушаца. Амма жал разилъун гьабулеб хIукму гьеб букIинарин абун ццим бахъун­ги вуго чанахъан.

     Гьезул данделъиялде вачIун вукIана низам цIунулел хIалтIухъабазул вакилги. Жив ну­жер пикруялда рази вугин, амма дандечIеялда хурхун ну­жеца гьаризе ругел тадбирал законалда рекъезаризе кколин абуна гьес.

    Республикаялъул чанахъа­базулгун ччугIихъабазул жамгIияталъул нухмалъулев Завурбек Вагидовас бицана, цадахъ рекъон хIалтIани, мурадалде щвезе рес бугин. Республикаялъул нухмалъулев Сергей Мели­ковасухъе кагъат хъвани лъикIаб букIининги абулеб буго гьес.

 

 

Ашахан ЮСУПОВ

Чанахъабиги ччугIихъабиги  ццидахун руго
Прочитано 26 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх